Uzanto:Surfo

    El Vikipedio, la libera enciklopedio

    Leĝo de Surfo[redakti | redakti fonton]

    Jam kelkfoje, en diversaj diskutpaĝoj, aperis konstato, kiun Vikipediisto Pejno Simono kompleze nomis la Leĝo de Surfo. Mi metas la tekston ankaŭ ĉi tien, por ke ĝi estu facile trovebla.

    Ju pli bona estas Vikipedia artikolo, des pli probabla estas tio, ke la sekva redakto estos malplibonigo.

    Pri miaj kontribuoj kaj pri Vikipedio[redakti | redakti fonton]

    Mi ne faris regulajn notojn pri miaj kontribuaĵoj en Vikipedio. Verŝajne la plejmulto estas korektetoj, kiujn mi faris rimarkinte malglataĵojn ie-tie.

    La ĉi-suban liston mi faris foliumante la historion de miaj kontribuaĵoj kaj kaptante tie titolojn, kiuj ŝajnis al mi konataj. En tiuj artikoloj mi do, supozeble, iam faris signifajn ŝanĝojn aŭ verkis ilin dekomence. Pluraj bedaŭrinde restas nur komencitaj aŭ klare duonpretaj (ekz. Lumrapido kaj Estonia), aliajn grave ŝanĝis postaj redaktantoj, kelkfoje bone, iam tre fuŝe.

    Mi ĝenerale ne havis tempon longe okupiĝi pri unuopa artikolo, tial miaj kontribuoj plej ofte estas ne longaj. Mi opinias, ke por verki bonan artikolon oni prefere faru tion sufiĉe rapide. Tiel oni konservas en la kapo ĝeneralan planon pri la tuto kaj ankoraŭ memoras, kion oni jam skribis. Mi ankaŭ ŝatas koncizajn artikolojn kun kernaj informoj pri la afero.

    Miaj unuaj redaktoj okazis eble en 2004, kelkaj jam antaŭ ol mi havis la nomon Surfo. Nun mi malofte kontribuas, sed sekvas kun intereso la fenomenon Vikipedio. Kiel ĉion publikan en interreto, ankaŭ Vikipedion minacas la persistemaj vilaĝaj idiotoj, kiuj ofte finfine tute proprigas al si diversajn forumojn kaj diskutejojn.

    Vikipedio estas stranga ĥaosaĵo, kaj estas mirinde, ke per tia metodo tamen naskiĝas io utila. Jes, vere, Vikipedio estas utila, se oni legas ĝin sufiĉe suspekteme. Bedaŭrinde ĝi nur mizere kapablas defendi sin kontraŭ diversaj ret-kanajloj kaj (eĉ bonintencaj) insistaj fuŝuloj.

    Vikipedio havas du Aĥilajn kalkanojn: 1. kiu ajn rajtas absolute libere kontribui, 2. ĉio en ĝia enhavo estas tute senbride libere kopiebla, modifebla, utiligebla kaj malutiligebla, eĉ komerce. Precipe la unua el tiuj estas ankaŭ ĝia fortofonto. Ni vidos, ĉu tiuj fundamentaj ŝtonoj finfine vivtenos la enciklopedion aŭ liveros al ĝi la mortobaton. Ĝuste nun tiu lasta eblo ŝajnas al mi pli probabla. Pri io tia aludas ŝerce (tamen nur duone ŝerce) ankaŭ la Leĝo de Surfo (ĉi-supre).


    Almenaŭ pri ĉi tiuj artikoloj mi iam okupiĝis

    1421_Esperanto
    Alando
    Alexander_Stubb
    Anja_Karkiainen
    Aristarĥo_de_Samoso
    Aro_(mezurunuo)
    Balta_Maro
    Bosono de Higgs
    Botnia_golfo
    Cereso
    E-libro
    Elektra_kurento
    Estonia
    Fondumo_Esperanto-säätiö
    Hanko
    Jyrki_Katainen
    Karikkoselkä
    Kimi_Räikkönen
    Klezmero
    Kurtapiŝo
    Lingvonesto
    Lumrapido
    M._A._Numminen
    Mallongigo
    Mariehamn
    Martti_Ahtisaari
    Mejlo
    Metro
    Mika_Häkkinen
    Nanplanedo
    Neŭro-lingvistika_programado
    Nokia_(kompanio)
    Nokia_(urbo)
    Prezidanto_de_Finnlando
    Samea_nacia_tago
    Sekundo
    Sistemo_Internacia_de_Unuoj
    Sunsistemo
    Tarja_Halonen
    Tero_Pitkämäki
    Toro_(geometrio)
    Unua_Libro
    Uusikaupunki
    Vato_(unuo)
    Werner Anttila
    Yrjö_Väisälä
    Zamiokulko