Aelita (libro)

Aelita, aŭ: La Marso formortanta
Aŭtoro	Aleksej Nikolajeviĉ Tolstoj
Eldonjaro	1928
Urbo	Kolonjo
Eldoninto	Heroldo de Esperanto
Paĝoj	199

Aelita aŭ La Marso formortanta (ruse : Аэлита) estas romano verkita de Aleksej Nikolajeviĉ Tolstoj.

La libro estas esperantigita el la rusa lingvo fare de E. Pill kaj ĝin ilustris Geo Schmidt. Heroldo de Esperanto el Horrem apud Kolonjo eldonis la romanon 199-paĝe en la jaro 1928 felietone. Akileo (Niĵnij Novgorod) publikigis 141-paĝan reeldonon en 2000.

A.N. Tolstoj skribis en la antaŭparolo : "En USSR Aelita estas la plej multe legata de la gejunularo. Eldonante mian romanon en Esperanto, mi salutas per ĝi la eterne maltrankviliĝeman, eterne en revoj al belego celantan Junularon."

Enhavo

La romano priskribas socialisman revolucion sur Marso, kie estas evoluinta civilizo, sed ankaŭ profunda socia dekadenco. La revolucion organizis bolŝevisma partizano Gusev kaj inĝeniero Los, kiuj alflugis en raketo de la Tero.

La libro inspiris la unuan grandan filmon sovetan en 1924.

Recenzoj

	„ La vigla fantazio de la eminenta verkisto venkas la spacon, la tempon kaj flugigas nin per sia raketa aerŝipo sur Marson. La stilo estas senriproĉa. ” — 1929, Julio Baghy, Hungara Heroldo, A. 2.

	„ Verko, tre alloga kiel la romanoj de Jules Verne kaj de Wells. La novaj sciencaj kaj sociaj scioj influis sur ĝin. Tre diversaj homaj sentoj ekaperas pro la strangaj cirkonstancoj en kiuj troviĝas la personoj. Post la miriga heroaĵo de Gagarino oni certe kun plezure relegos Aelita, kies traduko estas laŭdinda. ” — 1929(1965), Historio de Esperanto II, paĝo 686

Bildaro

• 

  Reeldono de la jaro 2000

Eksteraj ligiloj

• esperante Enciklopedio de Esperanto/A en sia originala formo en la Interreto
• esperante Enciklopedio de Esperanto en elŝutebla versio (PDF).
• esperante la libro en la retejo retbutiko, kun recenzoj de Jorge Camacho kaj de Aleksej Birjulin
• angle Aelita ĉe IMDB
• angle Science Fiction of the Domestic, de Andrew J. Horton
• Katalogo de Esperantomuzeo kaj Kolekto por Planlingvoj
• Katalogo de Heredaĵbiblioteko Hendrik Conscience : entajpu la vorton "aelita".