Afrika akcipitro
 | ||||||||||||||
|---|---|---|---|---|---|---|---|---|---|---|---|---|---|---|
 Afrika akcipitro
| ||||||||||||||
| Biologia klasado | ||||||||||||||
| ||||||||||||||
| Accipiter tachiro (Daudin, 1800) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
La Afrika akcipitro aŭ Taĉiro (Accipiter tachiro) estas taga rabobirdo el familio Akcipitredoj kiu inkludas ankaŭ multajn aliajn tagajn rabobirdojn kiel agloj, buteoj kaj cirkuoj.
Konsiderate laŭ la Handbook of the Birds of the World, ĝi troviĝas en granda parto de subsahara Afriko kaj kun teritorioj pli orientaj kaj sudaj ol tiuj de la proksima parenco nome la Ruĝbrusta akcipitro, nome en Angolo, Bocvano, Burundio, Centrafrika Respubliko, Demokratia Respubliko Kongo, Eritreo, Etiopio, Kenjo, Malavio, Mozambiko, Namibio, Ruando, Somalio, Somalilando, Sudafriko, Sudano, Tanzanio, Ugando, Zambio kaj Zimbabvo. Ĝi estas ofte konsiderata samspecifa kun la Ruĝbrusta akcipitro de okcidenta kaj centra Afriko (BirdLife International 2007).
Ĝi estas birdo kun helgriza kapo, malhelgrizaj supraj partoj, kiel la Ruĝbrusta akcipitro, sed kun griza vaksaĵo anstataŭ flava; la iriso kaj kruroj ja estas same flavaj. Krome en blankaj subaj partoj (eĉ ĉe femuroj) estas horizontala malhelbruna strieco dum la suba ventro estas tutblanka senstrieca.
Referencoj[redakti | redakti fonton]
- Foto el Forestry Images de tanzania birdo
- Foto de Harvey van Diek[rompita ligilo] de kenja birdo
| ||||||||||||||||||
