Amartya Sen

Amartya SEN estas barata ekonomikisto, kiu gajnis la Nobel-premion pri Ekonomiaj Sciencoj en 1998, pro siaj laboroj pri la malsatego, la teorio pri homa disvolviĝo kaj la ekonomio de bonstato.

Sen studis en la Trinity College de Cambridge, kie li licenciiĝis en 1956 kaj doktoriĝis en 1959. Li estis profesoro pri ekonomiko en la universitatoj de Kalkato, Delhi, Oksfordo, Londono kaj Harvardo. De 1997 al 2004 li estis estro de la Trinity College de Cambridge.