Herbert Simon

Herbert Simon
Nobel-premiito
Persona informo
Herbert A. S
Naskiĝo	15-an de junio 1916 (1916-06-15) en Milvokio
Morto	9-an de februaro 2001 (2001-02-09) (84-jara) en Picburgo
Mortis per	9 December 2018 [#]
Religio	ateismo [#]
Lingvoj	angla [#]
Ŝtataneco	Usono [#]
Alma mater	Universitato de Ĉikago [#]
Profesio
Okupo	ekonomikisto • politikisto • sociologo • universitata instruisto • komputikisto • politikologo [#]
Laborkampo	Ramón Ábila [#]
Doktoreca konsilisto	Henry Schultz • Harold Lasswell [#]
Verkado
Verkoj	Administrative Behavior ❦ limigita racieco [#]
Honorigoj Honorigoj Premio Turing • Nobel-premio pri ekonomiko • John von Neumann Theory Prize • Nacia Medalo de Scienco • William Procter Prize for Scientific Achievement • Harold Pender Award • Josiah Willard Gibbs Lectureship • William James Fellow Award • APA Award for Outstanding Lifetime Contributions to Psychology • IJCAI Award for Research Excellence • APA Award for Distinguished Scientific Contributions to Psychology • Distinguished Fellow of the American Economic Association • ACM Fellow • Fellow of the Econometric Society • Fellow of the American Academy of Arts and Sciences [#]
Membrecoj Membrecoj Usona Nacia Akademio de Sciencoj • Usona Akademio de Artoj kaj Sciencoj • Asocio por Komputila Maŝinaro • TWAS • Econometric Society [#]
[#]	Fonto: Vikidatumoj

Herbert Aleksander SIMON (naskiĝis la 15-an de junio 1916, en Milvokio, Viskonsino, Usono, mortis la 9-an de februaro 2001, en Pittsburgh en Usono) estis usona sociologo kaj ekonomikisto, li estis ankaŭ politika sciencisto, psikologo kaj profesoro — precipe ĉe Universitato Karnegi-Mellon. Liaj esploroj variis trans la kampoj de kogna psikologio, kogna scienco, komputado, ekonomiko, publika kaj komerca administrado, filozofio de scienco, sociologio kaj politika scienco. Per preskaŭ mil tre citataj eldonaĵoj, li estas unu el la plej influaj sociaj sciencistoj de la 20a jarcento.

La klera Simon helpis fondi kelkajn domajnojn de modernaj sciencoj, interalie artefarita intelekto, informa teorio, decidofarado, problemosolvo, organizaĵo-teorio, kompleksaj sistemoj kaj komputila ŝajnigo de scienca eltrovo. Li elpensis la terminojn limigite racieca kaj sufiĉe kontentiga.

Premioj

Li ricevis multajn honorojn en sia vivo. Inter ili estas: la Premio Turing (Association for Computing Machinery, 1975) por lia "bazaj kontribuoj al artefarita intelekto, la psikologio de homa kogno kaj komputila listprocezo"; la Nobel-premio pri ekonomiko "por liaj pioniraj esploroj pri la decidofarada procezo de ekonomiaj organizaĵoj" (1978); la usona Naciomedalo de scienco (1986); kaj la Premio por elstaraj vivdaŭraj kontribuoj al psikologio (American Psychological Association, 1993).