Cinamopipio

El Vikipedio, la libera enciklopedio
Jump to navigation Jump to search
Vikipedio:Kiel legi la taksonomionKiel legi la taksonomion
Cinamopipio
Cinamopipio ĉe Bŭindi, sudokcidenta Ugando
Cinamopipio ĉe Bŭindi, sudokcidenta Ugando
Biologia klasado
Regno: Animaloj Animalia
Filumo: Ĥorduloj Chordata
Klaso: Birdoj Aves
Ordo: Paseroformaj Passeriformes
Familio: Motaciledoj Motacillidae
Genro: Anthus
Specio: 'A. cinnamomeus'
Anthus cinnamomeus
(Rüppell, 1840)
Konserva statuso
LC (?)
Aliaj Vikimediaj projektoj
v  d  r
Information icon.svg

La Cinamopipio (Anthus cinnamomeus) estas mezgranda paserina birdo, membro de la genro de pipioj kaj familio de Motaciledoj (kiu enhavas ankaŭ la motacilojn kaj longungulojn) kiu reproduktiĝas en Afriko. Ĝi estis iam kunigita kun la Granda, Novzelanda, Monto- kaj la Rufa pipioj en ununura specio, nome Pipio de Richard (Anthus novaeseelandiae), sed ili estas nuntempe plej ofte traktataj kiel separataj specioj.

Distribuado kaj habitato[redakti | redakti fonton]

Ili loĝas en herbejoj kaj kamparoj en Suda, Centra kaj Orienta Afriko, sudoriente de linio el Angolo tra la Demokratia Respubliko Kongo al Sudano. Ĝi troviĝas ankaŭ en sudokcidenta Arabio. Estas izolata populacio en la altaj teroj de Kameruno kiu foje estas konsiderata separata specio: Kameruna pipio (Anthus camaroonensis).

Aspekto[redakti | redakti fonton]

Plenkreskulo de A. c. lacuum

La Cinamopipio estas 15 al 17 cm longa kaj estas svelta birdo kun rekta sinteno. Ĝi estas sablokolora al bruna supre kun pli malhela strieco. La subaj partoj estas blankecaj aŭ palsablokoloraj kun strieca helbruneca brusto kaj senmarkaj ventro kaj iom brunecnuancaj flankoj; el tiuj helbrunecaj nuancoj devenas la komuna nomo de Cinamopipio kaj la latina scienca nomo kie cinnamomeus aludas al la sama ideo. La vizaĝo montras bildon de pala strio super la okulo kaj malhela subvizaĝa strio. La eksteraj vostoplumoj estas blankaj. La kruroj estas longaj kaj rozkolorecaj kaj la svelta beko estas malhela kun flaveca bazo ĉe la suba makzelo. Junuloj havas punktecan bruston, strietecon ĉe supraj partoj kaj iom da strieco en flankoj.

La birdokanto estas ripetata serio de babilecaj notoj, elsendataj dum ondeca flugokanto aŭ el malalta ripozejo.

La Kameruna pipio estas iom pli granda kaj malhela kun sablokoloraj subaj partoj.

Konservostatuso[redakti | redakti fonton]

BirdLife International disigis kaj unuigis la Cinamopipion kun la Granda pipio, kaj pro tio ne indikis separatan konservostatuson. Tamen Zimmerman, Turner, kaj Pearson (1999) konsideras ĝin kiel "la komuna orientafrika pipio."

Referencoj[redakti | redakti fonton]

  • Peacock, Faansie (2006) Pipits of Southern Africa. Konsultita la 25/06/07.
  • Sinclair, Ian & Ryan, Peter (2003) Birds of Africa south of the Sahara, Struik, Cape Town.
  • Zimmerman, Dale A.; Turner, Donald A. & Pearson, David J. (1999) Birds of Kenya & Northern Tanzania, Christopher Helm, London.

Eksteraj ligiloj[redakti | redakti fonton]