Futbala Mondpokalo 2022

El Vikipedio, la libera enciklopedio
Salti al navigilo Salti al serĉilo
Monda Ĉampionado de Futbalo 2022
كأس العالم لكرة القدم قطر 2022
Logo de la Copa Mundial de fútbol 2022.svg
Turniraj detaloj
Loko Flago-de-Kataro.svg Kataro
Datoj 20-a de novembro 2022
ĝis 18-a de decembro 2022
Teamoj 32 
Ejoj (en 5 urboj)
Information icon.svg
vdr

La Futbala Mondpokalo 2022 de Kataro (arabe كأس العالم لكرة القدم قطر 2022) estos la dudek-dua eldono de la vira Futbala Mondpokalo organizita de FIFA. Tiu ĉi eldono okazos de la 20-a de novembro 2022 ĝis la 18-a de decembro 2022 en Kataro, kiu akiris la organizajn rajtojn la 2-an de decembro 2010.[1]

Tio estos la tria fojo, kiam la Futbala Mondpokalo estos ludata sur la azia kontinento post la Futbala Mondpokalo 2002 en Sud-Koreio kaj Japanio kaj la Futbala Mondpokalo 2018 en Rusio (kvankam ĉi-lasta havis ununuran ejon en azia teritorio), kaj la unua, kiu estos okazanta en Okcidenta Azio, pro la eŭrazia loko ĝuata de la antaŭa gastiganto: Rusio.[2] Ankaŭ unuafoje, la turniro okazas en Proksima Oriento, en araba lando kun islama plimulto, same kiel tiu kun la plej malgranda teritoria etendo.[3]

Ĝi ankaŭ estos la Monda Pokalo kun la plej longa atendotempo ekde 1950 kompare kun sia antaŭa eldono, ĉar ĝi okazos inter la monatoj novembro kaj decembro 2022, male al la kutimaj monatoj junio kaj julio. Paralele, ĝi estos la plej mallonga Futbala Mondpokalo ekde 1978, ĉar ĝi daŭros nur 28 tagojn kontraste al la kutimaj 32 tagoj en la lastaj ĉampionadoj.[4][5]

Ejoj[redakti | redakti fonton]

Lusail
(Municipo Al Daayen)
Al Wakrah
(Municipo Al Wakrah)
Doho
(Municipo Ad Dawhah)
Stadiono Lusail
(inaŭgurita)
Kapacito: 94 500
Stadiono Al Janoub
(inaŭgurita)
Kapacito: 40 000
Stadiono 974
(inaŭgurita)
Kapacito: 48 000
Stadiono Al Thumama
(inaŭgurita)
Kapacito: 69 000
Lusail Iconic Stadium final render.jpg
Visita ao estádio de futebol Al Janoub.jpg CG rendering of Ras Abu Aboud Stadium crop.jpg Crawler crane and tower cranes. lusail al thumama stadium - panoramio.jpg
Ejoj en Kataro
Ejoj en Doho
Rajan
(Municipo Rajan)
Al Khor
(Municipo Al Khor)
Stadiono Khalifa International
(rekonstruita)
Kapacito: 50 000
Stadiono Education City
(inaŭgurita)
Kapacito: 45 350
Stadiono Ahmad bin Ali
(reinaŭgurita)
Kapacito: 44 740
Stadiono Al Bayt
(inaŭgurita)
Kapacito: 60 000
Khalifa Stadium, Doha, Brazil vs Argentina (2010).jpg
Aerial view of Education City Stadium and Oxygen Park in Al Rayyan (Education City Stadium) crop.jpg

Kritikoj[redakti | redakti fonton]

Jam unu jaron antaŭ la okazigo de la Mondpokalo la katara registaro avertis, ke samsekseco estas malpermesita en la lando, pro kio oni ne permesos tiajn montrojn ankaŭ dum la ĉampionado.[6] Tio okazis kiam tutmonde multaj sportistoj kaj partikulare futbalistoj, landaj ferderacioj kaj internaciaj organizoj almenaŭ teorie apogas la lukton por la homaj rajtoj. Tio ne estis surprizo, ĉar jam en la elekto de Kataro super Usono, Aŭstralio, Sud-Koreio kaj Japanio en 2010, estis tia kondiĉo.[7] La sistema malobeo de Kataro al la homaj rajtoj,[8] jam estis konata delonge. Do, la respondeco pri la elekto de tia lando por internacia sportevento, kuŝas je la flanko de la elektantaj institucioj, kiu certe celis plie la ekonomiajn kontraktojn, pri kio Kataro ja certe povos disponigi.[7] Jam en Marto 2021 stariĝis tajdo de kritikoj, ĉefe kiam la brita gazeto The Guardian publikigis informon pri pli ol 6 000 laboristoj mortintaj, ĉefe eksterlandanoj kaj ĉefe pro la rapida konstruado de infrastrukturoj por la ĉampionado, kaj partikulare pro la sklavismaj laborkondiĉoj.[9]

Referencoj[redakti | redakti fonton]

Vidu ankaŭ[redakti | redakti fonton]

Eksteraj ligiloj[redakti | redakti fonton]

Fonto[redakti | redakti fonton]

En tiu ĉi artikolo estas uzita traduko de teksto el la artikolo Copa Mundial de Fútbol de 2022 en la hispana Vikipedio.