Herbligen

El Vikipedio, la libera enciklopedio
Saltu al: navigado, serĉo
Herbligen
Blazono de Herbligen
Blazono de Desiswil ĉe Münchenbuchsee
Kantono Berno
Administra distrikto Berno-Mezlando
Malnova distrikto ĝis 2009 Konolfingen
Koordinatoj  46°49′40″N 7°36′21″O  /  46.82778°N, 7.60583°O / 46.82778; 7.60583 (Herbligen)Koordinatoj: 46°49′40″N 7°36′21″O  /  46.82778°N, 7.60583°O / 46.82778; 7.60583 (Herbligen)
Nombro de enloĝantoj 550
Areo 2,76 km²
Alteco 578 m super marnivelo
Poŝtkodo 3671
Komunumkodo 0610
Mapo de Herbligen
Mapo de Herbligen
v  d  r
Information icon.svg

Herbligen ĝis la 31-a de decembro 2009 komunumo de la distrikto Konolfingen kaj ek de la 1-a de januaro 2010 komunumo de la administra distrikto Berno-Mezlando en Kantono Berno, Svislando. Ĝi havis 550 loĝantojn je la 31-a de decembro 2010.

Geografio[redakti | redakti fonton]

Herbligen situas en la Svisa Mezlando ĉe la transiro al la Svisaj Antaŭalpoj sur la flotebenjaxo de la rojo Chise ĉe la orienta flanko de la larĝa valo de Aro proksimume 8 kilometrojn norde de la urbo Thun. La plej alta punkto de la komunumo estas la monteto Litschi kun alteco de 827 m s.m., kiu leviĝas en nordo de la komunumo. La komunumo konsistas el la vilaĝoj Herbligen kaj Helisbüel kaj la setlejoj Hubel, Widibüel kaj Zälg kaj kelkaj izolitaj bienoj kaj domgrupoj.

La teritorio de la komunumo etendiĝas sur areo de 2,76 km², de kiuj 39,9% estas kovritaj de arbaro, 47,5% servas por agrikulturo kaj 11,6% por setlado. [1]

Najbaraj komunumoj[redakti | redakti fonton]

La komunumo Herbligen limas en nordoriento al Oberdiessbach, en oriento al Bleiken ĉe Oberdiessbach, en sudo al Brenzikofen, en okcidento al Oppligen, kaj en nordokcidento al Wichtrach.

Trafiko[redakti | redakti fonton]

Tra Herbligen pasas la kantona ĉefvojo n-ro 229 de Burgdorf al Thun. La plej proksima alveturejo al la svisa aŭtovojo A6 situas 4 kilometrojn sudokcidente de la komunumo apud Oppligen. Kvankam la trajnlinio de Berno-Lötschberg-Sempiono-Fervojo de Burgdorf al Thun pasas meze tra la komunumo Herbligen ne disponas pri stacidomo aŭ alia propra konekto al la publik transportreto. La plej proksima stacidomo situas proksimume 1,5 kilometrojn sude de la vilaĝo en Brenzikofen.

Historio[redakti | redakti fonton]

La unua dokumenta mencio de Herbligen datiĝas el la jaro 1302 kiel Herblingen. Ĉe la montetoj Eggrain kaj Wolfenburg ekzistas impresa prahistoria defendoinstalaĵo. Dum mezepoko civitanoj de Berno kaj Thun estis bienposedantoj en Herbligen, kiu apartenis al la tribunalo de Steffisburg sub la alta jurisdikcio de Konolfingen. Post la fino de la Helveta Respubliko Herbligen estis atribuita al la distrikto Konolfingen, kiu en la jaro 2010 estis integrita al la administra distrikto Berno-Mezlando.[2]

Vidu ankaŭ[redakti | redakti fonton]

Notoj kaj referencoj[redakti | redakti fonton]

  1. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
  2. Fonto: Anne-Marie Dubler; Herbligen en Historia Leksikono de Svislando (2007-12-11)

Eksteraj Ligiloj[redakti | redakti fonton]