Karl Maier

El Vikipedio, la libera enciklopedio
Salti al navigilo Salti al serĉilo

Karl MAIER (naskiĝis 1901, mortis la 25-an de julio 2000 en Berlino) estis germana esperantisto kaj membro de Universala Esperanto-Asocio pli ol 50 jarojn.

Maier lernis Esperanton en 1924. Post elmigro el Germanio en 1930 li restadis, kun oftaj E-kontaktoj, en Usono, Meksiko kaj Japanio. Inter 1935 kaj 1955 li vivis en Ĉinio.

Reveninte al Germanio, li kunigis tie esperantistojn per sia varbado de 300 abonantoj por El Popola Ĉinio, impulsis la regulajn E-kunvenojn en orienta Berlino (de 1960) kaj batalis por la laŭleĝigo de Esperanto en GDR.

Heredaĵo[redakti | redakti fonton]

Karl Maier testamente ordonis, ke lia financa havaĵo estu duone donata al la Esperanto-Ligo Berlin kaj la Esperanto Movado en Ĉinio. Dum multaj jaroj oni provis solvi la jurajn problemojn.

La berlina parto de la heredaĵo estas investita por la starigo de Germana Esperanta Kultura Centro, nova hejmo de la berlina Esperanto-Movado.

Bibliografio[redakti | redakti fonton]

  • Tan Xiuzhu 2008 : Jarcenta maljunulo Karl Maier, en Esperanto kunligas nin, Ĉina Fremdlingva Eldonejo, 136-139, ISBN 978-7-119-05576-3