Ekoregionoj en Aŭstralio

Ekoregionoj en Aŭstralio estas geografie klare diferencaj plantaj kaj bestaj komunumoj, difinitaj far la Monda Natur-Fonduso ( WWF ), bazitaj sur geologio, grundoj, klimato, kaj superrega vegetaĵaro. La WWF identigis 825 tersupraĵajn ekoregionojn kiuj kovras la tutan ter surfacon. Kvar dek el ili troviĝas en Aŭstralio kaj en ĝiaj dependaj insuloj. La WWF-ekoregionoj estas klasifikitaj laŭbiome : tropikaj kaj subtropikaj humidaj foliarbaroj, mezvarmaj herbejoj, savanoj kaj arbedaroj, tundro, k.t.p.. Tiuj ekoregionoj ĉiuj situas en unu el ok tersupraĵaj ekozonoj. Aŭstralio, kune kun Nov-Zelando, Nov-Gvineo kaj la najbaraj insularoj, estas parto de la Aŭstralazia ekozono. La aŭstraliaj WWF-ekoregionoj estis ĉefe bazitaj sur la IBRA-regionoj difinitaj laŭ la Provizora Biogeografia Regiono-klasifiko por Aŭstralio. La WWF-ekoregionoj ĝenerale sekvas la samajn ekoregionolimojn, ofte kuniginte du aŭ pli IBRA-regionojn en pli grandan WWF-ekoregionon. En Vikipedio la artikoloj pri ekoregionoj ĝenerale sekvas la WWF-sistemon.

Ambaŭ klasifiko-sistemoj servas kiel planilo por konservado scienco, kun la celo de establo de naturrezervejo-reto en ĉiu ekoregiono aŭ IBRA-regiono sufiĉa por konservi la biodiversecon.

Ambaŭ tipologioj ankaŭ havas prioritato-sistemon por establo de naturrezervejoj; la Monda Natur-Fonduso indikis siajn Tutmondaj 200-ekoregionojn kiel prioritataj por konservado, kaj la Ministerio pri Medio kaj Heredaĵo ordigas siajn regionojn kiel alt-prioritajn, mez-prioritatajn kaj malalt-prioritatajn, bazite sur "la potenca valoro kiu ter-rezervigo en tiuj regionoj aldonus al disvolviĝo de klara, multflanka, adekvata kaj karakteriza sistemo por Aŭstralio."