Mezvarmaj foliaj kaj miksaj arbaroj

Biomoj
Tersupraĵaj biomoj
	Tundro
	Tajgo
	Montaraj herbejoj kaj arbustaroj
	Mezvarmaj koniferarbaroj
	Tropikaj kaj subtropikaj koniferarbaroj
	Mezvarmaj foliaj kaj miksaj arbaroj
	Mediteraneaj arbaroj, duonarbaroj kaj arbustaroj
	Tropikaj kaj subtropikaj humidaj foliarbaroj
	Tropikaj kaj subtropikaj sekaj foliarbaroj
	Mezvarmaj herbejoj, savanoj kaj arbedaroj
	Tropikaj kaj subtropikaj herbejoj, savanoj kaj arbedaroj
	Dezertoj kaj kserofitaroj
	Inunditaj herbejoj kaj savanoj
	Ĉeriveraj areoj
	Malsekejo
Akvaj biomoj
	Lageto
	Marbordo
	Mangrovo
	Algarbaroj
	Koralrifoj
	Neritika zono
	Kontinenta plataĵo
	Pelaga zono
	Benta zono
	Varmaj fontoj
	Malvarmaj submarfontoj
Aliaj biomoj
	Enroka biomo

La Mezvarmaj foliaj kaj miksaj arbaroj estas tersupraĵa biomo kun modera kaj humida klimato. La tipa strukturo de tiuj ĉi arbaroj ampleksas kvar stratumojn. La supra tavolo estas la kanopeo aŭ krontegmento kiu estas konstituita el la kronoj de grandaj maturaj arboj. Malsupre de la kanopeo troviĝas la tri-tavola, ombro-tolerema subarbaraĵo. El tiu ĉi la supra tavolo estas la subkanopeo aŭ arbetaĵo kiu estas konstituita el maturaj kaj junaj arbetoj, kaj el junaj subpremitaj arboj kiuj atendas malfermiĝon de la kanopeo. Malsupre de la subkanopeo estas la arbeda tavolo, konstituita el malaltaj lignaj plantoj. Karakterize, la plej malalta kaj plej diversa stratumo estas la grunda kovraĵo aŭ herba tavolo.

Arboj

Karakterizaj superregantaj foliarboj en tiu ĉi biomo inkluzivas kverkojn (Quercus spp.), fagojn (Fagus spp.), acerojn (Acer spp.), kaj betulojn (Betula spp.). La termino "miksa arbaro" originas el la enteno de pinglarboj kiel kanopea komponanto de tiuj ĉi arbaroj. Tipaj koniferoj inkluzivas : pinojn (Pinus spp.), abiojn (Abies spp.), kaj piceojn (Picea spp.). En iuj areoj de tiu ĉi biomo la pinglarboj povas konstitui pli gravajn kanopeajn speciojn ol la foliarbaj specioj.

Klimato

Mezvarmaj foliaj kaj miksaj arbaroj troviĝas en areoj kun diferencaj varmaj kaj malvarmetaj sezonoj, kiuj kunportas moderan mezan temperaturon (5.5-15.6 gradoj Celsius).

Tiuj arbaroj troviĝas en relative varmaj kaj pluvaj klimatoj, kelkfoje ankaŭ kun distinga seka sezono. Tiu ĉi okazas dum la vintro en Orienta Azio kaj dum la somero je la humida periferio de la zonoj kun Mediteranea klimato. Aliaj areoj havas sufiĉe egalan distribuon de precipitaĵo; jara pluvofalo tipe superas 600 milimetrojn (24 colojn) kaj ofte superas 1500 milimetrojn (60 colojn). Temperaturoj tipe estas moderaj eskcepte de partoj de Azio kiel Ĉemara Regiono kie mezvarmaj arbaroj povas ĉeesti malgraŭ tre severaj cirkonstancoj kun tre malvarmaj vintroj.

Ekoregionoj pri la mezvarmaj foliaj kaj miksaj arbaroj

Situo de la mezvarmaj foliaj kaj miksaj arbaroj.

Mezvarma miksa arbaro en Diqing, nordokcidenta Junano, Ĉinujo.

• Palearkta ekozono
  • Acoraj mezvarmaj miksaj arbaroj (Portugalujo)
  • Anglaj malaltaĵaj fagaroj (Britujo)
  • Apeninaj deciduaj montarbaroj (Italujo)
  • Miksaj atlantikaj arbaroj (Belgujo, Danujo, Francujo, Germanujo, Nederlando)
  • Balkanaj miksaj arbaroj (Bulgarujo, Grekujo, Kosovo, Makedonujo, Rumanujo, Serbujo, Turkujo)
  • Baltaj miksaj arbaroj (Danujo, Germanujo, Pollando, Svedujo)
  • Kantabriaj miksaj arbaroj (Hispanujo, Portugalujo)
  • Foliarbaroj apud Nigra Maro kaj de Kolĉido (Kartvelujo, Turkujo)
  • Hirkaniaj-kaspiaj miksaj arbaroj (Azerbajĝano, Irano)
  • Kaŭkazaj miksaj arbaroj (Armenujo, Azerbajĝano, Kartvelujo, Rusujo, Turkujo)
  • Sarmataj miksaj arbaroj (Belorusujo, Estonujo, Norvegujo, Latvujo, Rusujo, Suomujo, Svedujo)
  • Tajhejaj ĉiamverdaj arbaroj (Japanujo)
• Nearkta ekozono
  • Alegan-altaĵaj arbaroj (Usono)
  • Apalaĉaj miksaj mezofitaj arbaroj (Usono)
  • Arbaroj de la apalaĉaj kaj Blue Ridge Montaroj (Usono)
  • Arbaroj de Nov-Anglujo kaj Akadio (Kanado, Usono)
  • Arbaroj de orient-centra Teksaso (Usono)
  • Centr-usonaj foliarbaroj (Usono)
  • Nordorient-usonaj marbordaj arbaroj (Usono)
• Neotropika ekozono
  • Arbaroj de Polylepis (Bolivio, Peruo)
  • Mezvarmaj arbaroj de Insularo Juan Fernández (Ĉilio)
  • Mezvarmaj arbaroj de Malfeliĉaj Insuloj (Ĉilio)
  • Valdiviaj moderaj pluvarbaroj (Argentino, Ĉilio)
  • Magelanaj subpolusaj arbaroj (Argentino, Ĉilio)
• Aŭstralazia ekozono
  • Chatham-insularaj mezvarmaj arbaroj (Nov-Zelando)
  • Mezvarmaj arbaroj de Fiordland (Nov-Zelando)
  • Mezvarmaj arbaroj de Nelson Coast (Nov-Zelando)
  • Mezvarmaj arbaroj de Northland (Nov-Zelando)
  • Mezvarmoj arbaroj de Richmond (Nov-Zelando)
  • Mezvarmaj arbaroj de Southland (Nov-Zelando)
  • Mezvarmaj arbaroj de Westland (Nov-Zelando)
  • Orient-aŭstraliaj mezvarmaj arbaroj (Aŭstralio)
  • Stewart-insulaj mezvarmaj arbaroj (Nov-Zelando)
  • Sudorient-Aŭstraliaj mezvarmaj arbaroj (Aŭstralio)
  • Tasmaniaj arbaroj de la Centra Altaĵaro (Aŭstralio)
• Hindomalaja ekozono
  • Nord-Birmaj mezvarmaj arbaroj (Birmo)
  • Okcident-Himalajaj foliarbaroj ( Barato, Nepalo, Pakistano
  • Orient-Himalajaj foliarbaroj (Barato, Butano, Nepalo)

Vidu ankaŭ

• Klimata klasifiko de Köppen

Bibliografio

• angle Allaby, Michael & Garratt, Richard (illustrations) 2006 : Biomes of the earth. Temperate forests, Chelsea House, New York, 270 p. ISBN 0-8160-5321-9

Eksteraj ligiloj

• angle Mezvarmaj foliaj kaj miksaj arbaroj (WWF).
• angle Mezvarma arbaro.
• angle Index of North American Temperate Broadleaf & Mixed Forests ecoregions at bioimages.vanderbilt.edu
• angle Tipoj de arbaroj (WWF).

Rilataj artikoloj troviĝas en Portalo pri Biologio