Ermensee

El Vikipedio, la libera enciklopedio
Saltu al: navigado, serĉo
Ermensee
Blazono de Ermensee
Vilaĝcentro de Ermensee
Vilaĝocentro de Ermensee
Kantono Lucerno
Distrikto Hochdorf
Koordinatoj  47°14′0″N 8°14′0″O  /  47.23333°N, 8.23333°O / 47.23333; 8.23333 (Ermensee)Koordinatoj: 47°14′0″N 8°14′0″O  /  47.23333°N, 8.23333°O / 47.23333; 8.23333 (Ermensee)
Nombro de enloĝantoj 825
Areo 5,70 km²
Alteco 462 m super marnivelo
Poŝtkodo 6294
Komunumkodo 1025
Mapo de Ermensee
Mapo de Ermensee

Pri la komunumo[redakti | redakti fonton]

Ermensee estas komunumo en la distrikto Hochdorf en Kantono Lucerno, Svislando. Ĝi havis 825 loĝantojn je la 31-a de decembro 2008.

Geografio[redakti | redakti fonton]

Ermensee situas sur la ebenaĵo inter la lagoj de Baldegg kaj Hallwil ĉe la bordo de la rivereto Aabach, kiu konektas la du lagojn. Al la komunumo apartenas krom la vilaĝo Ermensee ankaŭ la setlejo Herrenberg.

Najbaraj komunumoj[redakti | redakti fonton]

La komunumo Ermensee limas en nordokcidento, oriento kaj sudo al Hitzkirch, en nordoriento al Aesch, en sudokcidento al Römerswil, kaj en okcidento al Beromünster kaj Gunzwil.

Trafiko[redakti | redakti fonton]

Ermensee disponas pri stacidomo de la trajnlinio de la Svisaj Federaciaj Fervojoj de Lencburgo al Lucerno, tio estas la tiel nomita Seetal-Fervojo.

Historio[redakti | redakti fonton]

La unuaj dokumentaj mencioj de Ermensee datiĝas el la jaro 1036 kiel Armense.

En Herrenberg estis trovita la restaĵoj de romia farmbieno.

En mezepoko la vilaĝo estis lencburga posedaĵo, kiu transiris en la jaro 1036 al la Abatejo de Beromünster. Post la konkero fare de Lucerno ĝi estis integrita al ties Mikaela distrikto, sed disponis por la malalta jurisdikcio pri propra subvokto. Post la Helveta Revolucio ĝi estis dum la kvin jaroj de la Helveta Respubliko lucerna enklavo en la helveta Kantono Baden apartenanta al la tiama distrikto Sempach. Ek de 1803 la komunumo apartenas al la distrikto Hochdorf.

Vidindaĵoj[redakti | redakti fonton]

La ĉefa vidindaĵo de Ermensee estas la kapelo Sankta Jakobo kun ĝiaj mezepokaj freskoj, kiu estas objekto de kantona kaj nacia protekto. La kapelo estis renovigita en la jaro 1981 kaj 1982. La freskoj montras la travivaĵojn de pilgrimantoj sur la Jakoba Vojo al Santiago de Compostella.

Eksteraj Ligiloj[redakti | redakti fonton]

Bildoj[redakti | redakti fonton]