Klaus Johannis

El Vikipedio, la libera enciklopedio
Saltu al: navigado, serĉo
Klaus JOHANNIS

Klaus Werner JOHANNIS, naskita je la 13-a de junio 1959 en Sibiu/Hermannstadt, estas urbestro de Sibiu.

Johannis diplomitiĝis pri fiziko kaj laboris unue kiel instruisto pri fiziko. Poste li iĝis ĝenerala lerneja inspektisto de la distrikto. En 2000 la partio de la germanlingvanoj, DFDH (Demokratisches Forum der Deutschen in Hermannstadt = demokratia forumo de la germanoj en Sibio), decidis havi propran kandidaton pri urbestreco kaj petis Johannis kandidati. Kvankam la germanlingva parto de la loĝantaro de Sibiu malkreskis al malpli ol 2 procentoj (ĉ. 2000 el 155.000), Johannis sukcesis elektiĝi kiel urbestro.

Li estas la unua germanlingva urbestro de 55 jaroj (lasta germana urbestro estis Alfred DÖRR, de 1940 al 1945).

Kiel urbestro Johannis devis kunlabori kun la reganta partio social-demokrata (PSD). Kvankam li en sia unua ofic-periodo povis nur komenci multajn projektojn, ekzemple la riparadon de la infrastrukturo de Sibio, li estis en 2004 reelektita kun 88,7 % de la voĉoj. Ĉi-foje eĉ lia partio ricevis plimulton en la urba deputitaro.

Johannis sukcesis ligi bonajn kontaktojn al internaciaj instancoj. Li atingis, ke Sibio en 2007 estis, kune kun Luksemburgo, Eŭropa Kultura Ĉefurbo.

La 20-an de februaro 2013 li membriĝis al la Partio Nacia Liberala (Partidul Naţional Liberal), kaj nur 4 tagojn poste la iĝis ties vicpresidanto[1].

Eksteraj ligiloj[redakti | redakti fonton]

Notoj[redakti | redakti fonton]

  1. Artikolo en Siebenbürgische Zeitung.
Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.