Omsk

El Vikipedio, la libera enciklopedio
Saltu al: navigado, serĉo
Blazono de Omsk

Omsk (ruse Омск) estas milionurbo en Rusio en Siberio, ĉefurbo de la Omska provinco; laŭ la transsiberia fervojo.

Loko de Omsk en Rusio
Akademio de Omsk

Omsk estis fondita kiel fortikaĵo en 1716 de ekspedicia taĉmento gvidita de subkolonelo Ivan Buĥoljc. Tiun taĉmenton ekspedis Petro la Granda en Siberion por konstruado de novaj fortikaĵoj kaj por serĉado de novaj vojoj al Ĉinio kaj Barato.

La urbo havas la statuson de urbo ekde la jaro 1782. En 1895 fervoja ponto konstruiĝis. En 1941 multe da fabrikoj estis translokitaj tien.

Kodo de OKATO de la urbo (en la jaro 2005) estas 52401.

La interurba telefona kodo estas 3812, la enurbaj telefonnumeroj estas sesciferaj (en la jaro 2005).

Diferenco de la loka kaj moskva tempoj estas 3 horoj (UTC + 7 horoj).

La urbo estas ĉe la enenfluo de la rivero Omj (Омь) en la riveron Irtiŝ (Иртыш).

Omsk estas industria urbo, bazo de naftoindustrio.

Komence de la 19-a jarcento Omsk fariĝis centro pri komerco kaj agroscienco. Post la revolucio de 1917 Omsk estis politika centro de la sovetia partio en Siberio. Komence de la 50-aj jaroj Omsk iĝis centro de la naftreciklada kaj naftĥemia grandindustrio. Dum la 90-aj jaroj disvolviĝis malŝtata sektoro de merkato. Privataj entreprenoj kreitis, kaj nun produktaĵoj de la omskaj fabrikoj konkurencas sur la Rusiaj merkatoj.

En la urbo estas fervoja stacidomo (konstruita en jaroj 1894 - 1895) kaj haveno.

Ĝemelurboj[redakti | redakti fonton]

Esperanto en Omsk[redakti | redakti fonton]

En 1929, V. N. Engelhardt en Omsk, publikigis ruslingve stenan sistemon „InternacionalStenografio“ bazitan sur Esperanto. Li en 1929-35 instruis multajn rusojn laŭ tiu ĉi sistemo.

Estas gastiganto de Pasporta Servo tie.

Esperantistoj[redakti | redakti fonton]

Vidu ankaŭ[redakti | redakti fonton]