William Blum

El Vikipedio, la libera enciklopedio
Saltu al: navigado, serĉo
William Blum en 2007

William BLUM (nask. en Usono en 1933 - ) estas usona verkisto kaj ĵurnalisto famiĝinta pro verkoj tre kritikemaj pri la eksterlanda politiko de Usono, i.a. :

  • The CIA : A Forgotten History (La CIA : Forgesita Historio, 1986)
  • Rogue State: A Guide to the World's Only Superpower (Kanajla Ŝtato : Gvidlibro pri la sola tutmonda Superpotenco, 2000)
  • Killing Hope : U.S. Military and CIA Interventions Since World War II (Mortigi la esperon : La usona armeo kaj la intervenoj de CIA depost la Dua Mondmilito, 2003).

Biografio[redakti | redakti fonton]

William Blum studis kontadon en universitato kaj laboris en la usona Ŝtatdepartemento en la jaroj 1960. Komence kontraŭkomunista, li sopiris je posteno en diplomatia servo. La Vjetnama Milito seniluziigis lin tiel ke, en 1967, por esprimi sian kontraŭstaron al ĝi, li forlasis sian postenon. Li fariĝis ĵurnalisto, fondis kaj redaktis en Vaŝingtono la liberan gazeton Washington Free Press, la unuan alternativan en la ĉefurbo [1].

En 1969, li redaktis kaj publikigis raporton pri la CIA kaj rivelis nomojn kaj adresojn de pli ol 200 el ties agentoj. En 1972 kaj 1973, li restadis en Ĉilio kaj raportis pri la eksperimentado de socialismo sub prezidenteco de Salvador Allende. Meze de la jaroj 1970, li laboris en Londono kun Philip Agee, iama agento de CIA, aŭtoro de akra kritiko pri ĝi, ties intervenoj kaj organizitaj murdoj : ""Inside the Company: CIA Diary" (Interne de la Societo : Taglibro de CIA) [2].

Fine de la jaroj 1980, Blum iris al Los Angeles por prepari, kun la kineisto Oliver Stone, dokumentaran filmon pri la eksterlanda politiko de usono adaptita al sia libro Killing Hope, sed la projekto ne konkretiĝis.

Blum diras sin socialisto. Li subtenis Ralph Nader dum la prezidenta kampanjo [3].

Li redaktas ankaŭ la retpoŝtan monatan gazeton "The Anti-Empire Report".

La 19an de januaro 2006, Usama bin Laden disvastigis komunikon en kiu li citis Blum kaj rekomendis al ĉiuj usonanoj legadon de lia libro Rogue State: A Guide to the World's Only Superpower (Kanajla Ŝtato : Gvidlibro pri la sola tutmonda superpotenco). El tio rezultis ke la vendo-nivelo de la libro, kiu situis je 205 763a loko en la interretaj vendoj de Amazon, fulme supreniris al la 26a [4] .

Libroj[redakti | redakti fonton]

  • "The CIA: A Forgotten History" (La CIA : Forgesita Historio). Londono : Zed Books. 1986. ISBN 0-86232-480-7
  • "Rogue State : A Guide to the World's Only Superpower". (Kanajla Ŝtato : Gvidlibro pri la sola tutmonda Superpotenco). Monroe : Common Courage Press. 2000. ISBN 1-56751-194-5
  • "West-Bloc Dissident: A Cold War Memoir" (Disidento de la Okcidenta Bloko — Politika memoro pri la Malvarma Milito). Nov-Jorko, NY, Usono : Soft Skull Press. Marto 2002. 250 p. ISBN 1-56751-306-9
  • "Killing Hope : U.S. Military and CIA Interventions Since World War II" (Mortigi la esperon : La usona armeo kaj la intervenoj de CIA depost la Dua Mondmilito), reviziita eldono. Monroe : Common Courage Press). 2003. ISBN 1-56751-252-6
  • "Freeing the World to Death: Essays on the American Empire". (Liberigi la mondon ĝis ties mortigo : Eseo pri la usona Imperio). Monroe : Common Courage Press. Septembro 2004. 336 p. ISBN : 15675130691

Tradukoj[redakti | redakti fonton]

En la franca'

  • "Les guerres scélérates". Liono : Parangon. 19an de februaro 2004. 456 p. ISBN 2-84190-116-5
  • "L'État voyou". Liono : Parangon. 31an de marto 2002. 364 p. ISBN : 2841900754
  • "Mythes de l'Empire — La guerre US contre le terrorisme". Bruselo, BE : Aden. 30a de septembro 2004. p. ISBN : 2930402016

En Esperanto

Videoj[redakti | redakti fonton]

Konekse[redakti | redakti fonton]

Eksteraj ligiloj[redakti | redakti fonton]

Notoj[redakti | redakti fonton]

  1. The Author Who Got A Big Boost From bin Laden (La aŭtoro kiu ricevis grandan antaŭenpuŝon de Bin Laden.)
  2. Spaco de William Blum en ZSpace.
  3. Blum, William On Liberals, Phil Agee, and the 9-11 Truth Movement (Pri Liberaluloj, Phil Agee kaj la 11a de septembro), Dissident Voice, 14an de januaro 2008.
  4. http://smh.com.au/news/world/bin-laden-plug-boosts-book-sales/2006/01/21/1137734175551.html