Alexandr Sommer Batěk

El Vikipedio, la libera enciklopedio
Salti al navigilo Salti al serĉilo
Alexandr Sommer Batěk
Alexandr Sommer Batek.jpg
Persona informo
Naskonomo Alexandr Batěk
Naskiĝo 15-an de junio 1874 (1874-06-15)
en Prádlo
Morto 6-an de aprilo 1944 (1944-04-06) (69-jara)
en Prago
Lingvoj Esperantoĉeĥa lingvo
Ŝtataneco Aŭstrio-HungarioĈeĥoslovakioĈeĥio
Profesio
Profesio kemiistoesperantistopedagogoverkisto • sciencfikcia verkisto
Esperanto
Esperantisto numero 13126
Information icon.svg
vdr


Alexandr SOMMER BATĚK (naskiĝis la 15-an de junio 1874 en Prádlo apud Nepomuk - mortis la 6-an de aprilo 1944 en Prago) estis ĉeĥa kemiisto, esperantisto kaj kreinto de internacia skribo neoglifoj.

Vivokupoj[redakti | redakti fonton]

Kiel esperantisto li postlasis librojn pri seksa vivo por la junularo, pri sia sistemo de monda skribo kaj pri sia klopodo pacigi du konkurencajn ĉeĥajn Esperanto-asociojn (Bohema Unio Esperantista kaj Bohema Asocio Esperantista) antaŭ la unua mondmilito.

Sed li estis grava kaj tre aktiva persono ankaŭ en la vivo de la ĉeĥa nacio. Kiel mezlerneja instruisto de kemio en Plzeň kaj Praha li reformis la ĉeĥlingvan kemian terminologion de Bohuslav Brauner tiel, ke ĝi estu pli logika kaj pli komprenebla por amatoraj uzantoj, kaj tia ĝi validas ĝis hodiaŭ. Li ankaŭ precizigis la atompezon de cerio, okupiĝis pri karbidoj, likvigado de oksigeno kaj aliaj fakaj aferoj. Pri kemio li verkis plurajn librojn.

Li dediĉis sin ankaŭ al botaniko, skoltismo, YMCA, Savarmeo, teozofio, radioaktiveco, verkis pri rubaj akvoj, prostituado, alkoholismo, okultismo, spiritismo, propagandis nomadan instruadon: al la slovakaj ŝafpaŝtistoj li prelegis pri Esperanto, al ciganoj pri ĝusta spirado dum dancamuzo, al soldatoj li ludis pupteatron pri seksuma abstinado.[1]

Li estis ankaŭ pacifisto, liberpensulo, propagandis gimnastikadon kaj hardadon de la korpo.

Verkoj[redakti | redakti fonton]

Batěk eldonadis gazetojn Ilustrované přednášky (Ilustritaj perelegoj), Zájmy všelidské (Interesoj tuthomaraj) kaj Pasigrafie (Pazigrafio).

En Esperanto[redakti | redakti fonton]

  • Rezultato de mia paciga entrepreno (1908)
  • Instruo por gejunuloj pri la seksvivo (1921)
  • Neoglifoj, la monda skribo (1933)

En la ĉeĥa[redakti | redakti fonton]

Referencoj[redakti | redakti fonton]

  1. Vzpomínka na da Vinciho české chemie (Chemické listy 102, pp. 465−466, jaro 2008)

Eksteraj ligiloj[redakti | redakti fonton]