Moiry-Glaĉero
| Moiry-Glaĉero | ||
|---|---|---|
 Grand Cornier kun Moiry-Glaĉero | ||
| glaĉero | ||
| Geografia situo | CH1903: 612333 / 102683 (mapo)46.0755555555567.5980555555556Koordinatoj: 46° 5′ N, 7° 36′ O; CH1903: 612333 / 102683 (mapo) | |
| ||
 Moiry-Glaĉero | ||
| Estiĝloko | Grand Cornier | |
| Longeco | 5,35 km | |
| Larĝeco | 1 km | |
| Areo | 5,75 km² | |
| Glacikvanto | 0,3 km³ | |
| Elfluanto(j) | Gougra→Lago de Moiry→ Navisence→Rodano | |
| Jara retiriĝo/kresko | 18,0 m retiriĝo en 2007 | |
| Glaĉeroj de Svislando | ||
Moiry-Glaĉero (france Glacier de Moiry, germane Moirygletscher) estas valglaĉero en la Valezaj Alpoj en Svislando. La glaĉero havas longecon 5,35 km, averaĝan larĝecon de 1 km kaj kovras areon de 5,75 km².
Priskribo[redakti | redakti fonton]
Moiry-Glaĉero havas sian originon je la nordflanko de Grand Cornier je alteco de proksimume 3800 m s.m.. De tie ĉi fluas norden. Je ĝia okcidenta flanko situas Pointe de Bricola (3658 m s.m.) kaj Tsa de l'Ano (3368 m s.m.) kaj je ĝia orienta flanko la montoj Bouquetins (kun alteco de ĝis 3627 m s.m.) kaj Pigne de la Lé (3396 m s.m.). Je la okcidenta piedo de Pigne de la Lé la glaĉero transfluas krutan rokbordon, krom tio ĝi havas relative konstantan deklivon de inter 15 ĝis 20 %. La frunto de la glaĉerlango nuntempe situas je alteco de 2400 m s.m. La degelakvo de Moiry-Glaĉero nutras la riveron Gougra, kiu estas baraĵita en la Lago de Moiry kaj poste alfluas al Navisence. Navisence trafluas la Valon de Anniviers kaj alfluas al Rodano apud Sierre.
Historio[redakti | redakti fonton]
Dum la kulmino de la Eta Glaciepoko je la mezo de la 19-a jarcento Moiry-Glaĉero etendiĝis ankoraŭ 1 km pli profunden al la valo.
Altmontara tursimo[redakti | redakti fonton]
Je roka deklivo supre de la glaĉero situas la Moiry-Kabano de la Svisa Alpismo-Klubo (SAC) je alteco de 2825 m s.m.. La kabano ofertas belan vidon al la glaĉero kaj estas elirpunkto de grimpado al Grand Cornier kaj glaĉerturoj.
