Petro Palivoda

El Vikipedio, la libera enciklopedio
Jump to navigation Jump to search

Petro PALIVODA (naskiĝis en 1959) estas ukraina kaj Esperanta poeto kaj tradukisto en Kievo, liaj verkoj en la ukraina, la rusa, la germana lingvoj kaj originale en Esperanto kaj tradukoj aperis en pluraj ĵurnaloj, revuoj, almanakoj, antologioj en Ukrainio, Rusio, Litovio, Ĉeĥio, Slovakio, Svisio, Rumanio, Usono, Aŭstralio, Ĉinio, Kostariko, Pollando, Kanado, Turkio, Kroatio kaj Koreio.

Petro Palivoda estas esperantisto ekde 1976.

Li tradukis poezion de Lesja Ukrainka, Oleksandr Oles, Andrij Maliŝko, Oleksa Slisarenko, Vasil Atamanjuk, Dmitro Lucenko, Volodimir Dankeviĉ (el la ukraina en Esperanton) Bill Auld, Albert Goodheir, Baldur Ragnarsson, Mauro Nervi, Ludoviko Zamenhof, Hilda Dresen, Victor Sadler, Vasil Eroŝenko, Aleksandr Logvin, Eugeniusz Matkowski, Aivar Liepins, Julia Zigmond, Ĵomart Amzejev, Julio Baghy (el Esperanto en la ukrainan), Julián Marchena (el la hispana en la ukrainan), Martin Kirchhof, Renate Eggert-Schwarten (el la germana en la ukrainan), Johann Wolfgang von Goethe (el la germana en la rusan), Tetjana Ĉernecka, Miĥail Taniĉ (el la rusa en la ukrainan) kaj prozon de Kalle Kniivilä, Ulrich Becker, Guido Hernandez Marin (el Esperanto en la ukrainan) Anton Meiser, Manfred Welzel (el la germana en la ukrainan), Ĥristina Kozlovska (el la ukraina en Esperanton kaj en la germanan).

Laŭreato de "Liro-82", Kaliningrad, Rusio (3-a premio, poezio), de la internacia Esperanta literatura konkurso EKRA-2006, Razgrad, Bulgario (1-a premio, poezio), de Ukrainia ukrainlingva literatura konkurso "Rukomeslo-2006", Kievo: poezio - 3-a premio; traduko - 2-a premio (rakonto de Ulrich Becker el Esperanto en la ukrainan lingvon), de la Tutukrainia festifalo de ukraina moderna estrada kanto "Pisennij vernisaĵ-2006" kiel aŭtoro de la teksto de laŭreata kanto, gajninto de la Tutukrainia literatur-muzika konkurso "Inspiro" en la branĉoj "Originala poezio" kaj "Tradukita poezio" (Kolomeo, 2015).

En 2004-2012 li estis juĝantarano de la Internacia literatura konkurso "Liro".

Liaj poemoj estas tradukitaj en la germanan kaj la kroatan lingvojn.

Eksteraj ligiloj[redakti | redakti fonton]