Kiŝinevo

Kiŝinevo
rumane: Chișinău, ukraine: Кишинів, ruse: Кишинёв
Urbo
Pordego de Kiŝinevo
Flago   Blazono
Oficiala nomo: Кишинэу
Lando	Moldavio
Historia regiono	Moldavujo
Rivero	Bîc
Situo	Kiŝinevo
- alteco	85 m s. m.
- koordinatoj	47° 00′ 50″ N 28° 51′ 00″ O (mapo)
Areo	120,0 km² (12 000 ha)
Loĝantaro	592 900 (2007)
Denseco	4 940,83 loĝ./km²
Fondo	1436
Urbestro	Dorin Chirtoacă
Horzono	OET (UTC+2)
- somera tempo	OEST (UTC+3)
Poŝtkodo	MD-20xx
Telefona antaŭkodo	+373 22
Situo enkadre de Moldavio Situo enkadre de Moldavio
Situo enkadre de Eŭropo Situo enkadre de Eŭropo
Vikimedia Komunejo: Chişinău
Retpaĝo: www.chisinau.md

Kiŝineva stacidomo

Preĝejo de sankta Feodoro el Siĥlo

Centra foirejo

Kiŝinevo (rumane: Chișinău, ruse Кишинёв, Kiŝinjov) estas la ĉefurbo de Moldavio.

La urbo etendiĝas sur areo de 161.2 km² kun ĉ. 665.500 loĝantoj (ĉ. 17% de la tuta loĝantaro de Moldavio, stato 2000). La urbo estas dividita je 5 distriktoj: Centru, Botanica, Buiucani, Rîșcani, Ciocana. En Kiŝinevo troviĝas unu Universitato, 6 aliaj altlernejoj, teatro, muzeoj kaj kulturejoj.

Historio

Kiŝinevo (rumane Chișinău) estis fondita en 1466 en la Princlando Moldvo, sed post iom da tempo ĝi venis sub regon de la Osmana Imperio. La urbon konkeris en 1812 Rusio, inter 1918–1940 ĝi apartenis al Rumanio. Post la dua mondmilito la urbo apartenis al Sovetunio kiel (1945–1991) ĉefurbo de Moldavia Sovetrespubliko. Ekde 1991, la urbo estas la ĉefurbo de la sendependa Moldavio.

Geografio

Kiŝinevo kuŝas en centro de Moldavio, en la produktema regiono (vino- kaj fruktokultivado) ĉe rivero Bâc.

Ekonomio kaj trafiko

Kiŝinevo/Chișinău posedas antaŭ ĉio nutran industrion, tiel oni povas trovi tie grandajn vinfarajn uzinojn, frukto- kaj legomindustrion, tabakindustrion, teksaĵindustrion. Sude de Kiŝinevo troviĝas la Kiŝineva Internacia Flughaveno, krom tio la urbo kuŝas ĉe la ĉefa fervojlinio Ateno / Istanbulo–Moskvo

Partneraj urboj

Inter la partneraj urboj estas

• Mannheim en Germanio

Personoj de la urbo

• Maria Cebotari

Vidindaĵoj

• Moldava-Ortodoksa Katedralo kun sonorilega turo
• Bulvardo Ştefan cel Mare
• Aleo de la Moldavaj regantoj, 10 bronzaj bustoskulptaĵoj ĉe la defenda ministerio: Bogdan la 1-a, Petru la 1-a Mușat, Alexandru cel Bun (Aleksandro la Bona), Ștefan cel Mare și Sfânt (Stefano la Granda kaj Sankta), Bogdan la 3-a, Petru Rareş, Alexandru Lăpușneanu, Ioan Vodă cel Cumplit (princo Johano la Terura), Vasile Lupu kaj Dimitrie Cantemir. La malfermo okazis la 27-an de aŭgusto 2004.

Panoramo de kvartalo Rîşcani