Batalo en Golfo de Imperiestrino Auguste

Usonaj marsoldatoj sur surterigaj boatoj en Golfo de Imperiestrino Auguste​.

La Batalo en Golfo de Imperiestrino Auguste, en la 1a–2a de Novembro 1943 – konata ankaŭ kiel Batalo en Golfo Gazelle, Operaco Cherry Blossom, kaj en japanaj fontoj kiel Marbatalo ĉe Bougainville (ブーゲンビル島沖海戦) – estis marbatalo luktita ĉe la insulo Bougainville en la Golfo de Imperiestrino Auguste. La marbatalo estis rezulto de aliancanaj surteriĝoj en najbara insulo Bougainville en la unua militagado en la kampanjo de Bougainville en la Dua Mondmilito kaj povas ankaŭ esti konsiderata parto de la kampanjoj de Salomonoj kaj Nov-Gvineo. La batalo estis grava parto de pli ampleksa aliancana strategio – konata kiel Operaco Cartwheel – cele al izolado kaj ĉirkaŭo de la ĉefa japana bazo en Rabaul. La intenco esti establi strandokapon en Bougainville, ene de kiu flughaveno estu konstruita.

La marbatalo okazis en la fino de la unua tago de la surteriĝoj ĉirkaŭ Kabo Torokina, kiam la japanoj eligis grandan forton el Rabaul en klopodo ripeti la sukceson, kiun ili atingis en insulo Savo en Aŭgusto 1942, responde al aliancanaj amfibiaj surteriĝoj en oriento de Salomonoj. Finfine, la protekta forto de usonaj militŝipoj kapablis haltigi la japanan forton kaj la surteriĝoj ĉirkaŭ Kabo Torokina estis sukcesaj.