50000 Kvavaro

El Vikipedio, la libera enciklopedio
Saltu al: navigado, serĉo
Bildo de Kvavaro per la teleskopo Hubble.

Kvavaro (Quaoar) estas transneptuna objekto en la Kujpera zono, la regiono de la astroj glaciaj.

Antaŭ ricevi la nomon Kvavaro, ĝi nomiĝis provizore 2002 LM60. Malkovris ĝin la 4-an de junio 2002 la astronomoj Chad Trujillo kaj Mike Brown ĉe la Kalifornia Instituto de Teknologio en Pasadena, Usono.

La nomo Kvavaro (angla literumo Kwawar, hispana Quaoar) venas el la mito pri kreado de la Tongvaoj, nordamerikaj indianoj, kiuj vivas proksime de Los-Anĝeleso.

Kvavaro verŝajne plenumas la kriteriojn de la klaso preskaŭplanedoj, kiun la IAU enoficigis la 24-an de aŭgusto 2006.

La diametro estis mezurita de la Hubble-teleskopo je 1250 ± 50 km. Ĝi estas pli malgranda ol Eriso, Plutono, kaj Sedno, sed pli granda ol Iksiono. Ĝi estas klasika kujperzona objekto, kun orbita periodo de proksimume 286 jaroj.

Oni scias ke ĝi havas almenaŭ unu lunon, Vejvoto.

Eksteraj ligiloj[redakti | redakti fonton]