Juan de Ávila
Sankta Juan de Ávila aŭ Johano de Avilo (1500, Almodóvar del Campo - 1569, Montilla), estis asceta verkisto kaj katolika religiulo de Hispanio. Lia patro, Alfonso de Ávila (de juda deveno) posedis minon de arĝento en Sierra Morena. Li ekstudis juron en la Universitato de Salamanko en 1514, sed abandonis tion kaj retiriĝis al naskiĝloka Almodóvar del Campo, kie penitencis. Poste ekstudis arton kaj teologion en la Universitato de Alcalá de Henares (1520-1526). Kiam heredis el la gepatroj, li vendis ĉiujn opsedaĵojn kaj disdonis la monon al malriĉuloj, por dediĉi sin poste al evangeliigo, komence ĉe sia naskiĝloko. Kiam li volis transveturi al Ameriko por evangeliigi tie en 1527 la arkiepiskopo de Sevilo, Alonso Manrique, ordonis al Juan de Ávila abandoni tiun ideon kaj evangeligi anstataŭe Andaluzion, al kio finfine dediĉis sin.
Reviziis la verkon de Tereza el Avilo kaj rilatĝis kun Ignaco Lojola kaj aliaj postaj sanktuloj kaj religiuloj. En 1531 estis procezata de la Inkvizicio pro reformismo, kaj suferis dujaran malliberigon kaj kondamnon korekti asertojn.
