Lančov

Lančov
germane: Landschau
municipo
Preĝejo de sankta Magdaleno en Lančov
Blazono
Oficiala nomo: Lančov
Ŝtato	Ĉeĥio
Regiono	Sudmoravia regiono
Distrikto	Distrikto Znojmo
Administra municipo	Vranov nad Dyjí
Historiaj regionoj	Moravio, Sudetio
Akvorezervujo	Akvorezervujo Vranov
Situo	Lančov
- alteco	427 m s. m.
- koordinatoj	48°54′60″N 15°46′15″E
Areo	15,08 km² (1 508 ha)
Loĝantaro	241 (27.09.2007)
Denseco	15,98 loĝ./km²
Unua skribmencio	1323
Horzono	MET (UTC+1)
- somera tempo	MET (UTC+2)
Poŝtkodo	671 06
NUTS 3	CZ064
NUTS 4	CZ0647
NUTS 5	CZ0647 594326
Katastraj teritorioj	1
Partoj de vilaĝo	1
Bazaj sidejunuoj	1
Situo enkadre de Ĉeĥio
Retpaĝo: www.obeclancov.cz
Portalo pri Ĉeĥio

Lančov estas vilaĝo en suda Moravio apud digolago de Vranov, kie troviĝas Somera Esperanto-Tendaro, festanta en 2012 sian 60-jariĝon. La tendaron organizas ĉiujare Esperanto-klubo Třebíč. De komence tie staris nur tendoj, sed proksimume antaŭ dudek jaroj pro higienaj motivoj (la lago estas rezervujo de trinkakvo) la aŭtoritatoj malpermesis tendojn kaj necesis konstrui kabanojn (tamen restis la tradicia nomo "tendaro"). La iniciatintoj estis Theodor Kilian kaj Pavel Sittauer, kiu ĝin organizas ĝis nun.

Matene okazas lingva instruado, posttagmeze naĝado, boatado, sportado, ekskursoj al kasteloj Vranov, Bitov, ruino Cornštejn, aŭ al Vieno. Dum socialismo estis la tendaro plenplena dum ĉiuj tri etapoj sole de esperantistoj, nun la ekonomia premo devigis la organizantojn instrui ankaŭ la anglan, germanan, francan, rusan, hispanan, desegnadon, ŝakon k.s. La kabanaro estas ĉirkaŭita de arbaro, la lago troviĝas eble 100 m malproksime.

Adreso por interesatoj: Esperanto, 674 01 Třebíč, Ĉeĥio

Vidindaĵoj

• Preĝejo de sankta Magdaleno

Ĉe la golfo de Lančov troviĝas tri someraj infanaj tendaroj:

• Somera infana tendaro Arbaroj Znojmo
• Somera Esperanto-tendaro Lančov aranĝata de Esperanto Třebíč konata kiel SET Lančov
• Somera infana tendaro Svitap