Androulla Vassiliou

Honorigoj
Honorigoj	(21-a de januaro 2016) Grand Cross of the Civil Order of Alfonso X the Wise (en) ; vd

Postenoj
Postenoj	European Commissioner for Education, Culture, Multilingualism and Youth (en) (2010–2014); European Commissioner for Health and Consumer Policy (en) (2008–2010); member of the House of Representatives of Cyprus (en) (2001–2006); member of the House of Representatives of Cyprus (en) (1996–2001) vd

**Androulla Vassiliou**
Androulla Vassiliou
Persona informo
	Ανδρούλλα Βασιλείου
Naskiĝo	30-an de novembro 1943 (80-jaraĝa); en Municipo Pafo
Lingvoj	moderna greka • angla • franca vd
Ŝtataneco	Kipro vd
Alma mater	Meza Templo - jurisprudenco ; Universitato-Kolegio de Londono - internaciaj rilatoj vd
Partio	Unuiĝintaj Demokratoj vd
Familio
Edz(in)o	Georgios Vasiliou vd
Infanoj	3
Profesio
Okupo	politikisto ; advokato vd
Postenoj
Postenoj	European Commissioner for Education, Culture, Multilingualism and Youth (en) (2010–2014); European Commissioner for Health and Consumer Policy (en) (2008–2010); member of the House of Representatives of Cyprus (en) (2001–2006); member of the House of Representatives of Cyprus (en) (1996–2001) vd
Honorigoj
Honorigoj	(21-a de januaro 2016) Grand Cross of the Civil Order of Alfonso X the Wise (en) ; vd
EU-Komisionano
por Kipro
Dum	2008–2014
Antaŭulo	Markos Kyprianou
vd	Fonto: Vikidatumoj
	v • d • r

Androulla VASSILIOU (greke Ανδρούλλα Βασιλείου; naskiĝis la 30-an de novembro 1943 en Pafo, brita Kipro) estas kipra politikistino. Ŝi estis EU-Komisionano por edukado, kulturo, plurlingveco kaj juneco dum la periodo 2009–2014. Ekde marto 2008 ŝi estis komisionano pri sano. Aliaj literumoj de ŝia nomo estas Androula/Andrula kaj Vasiliou/Vasiliu.

De 1961 ĝis 1964 ŝi studis juron en Londono (Unuiĝinta Reĝlando), kaj de 1964 ĝis 1966 ŝi studis internaciajn rilatojn ĉe la Londona Instituto pri Mondaj Aferoj (London Institute of World Affairs). Ŝi tiam revenis al sia hejmlando, Kipro, kaj dungiĝis kiel juristo kaj kiel konsilanto de la bankoj Standard Chartered Bank kaj poste la Banko de Kipro (Τράπεζα Κύπρου Δημόσια Εταιρεία Λίμιτεδ). En 1988 ŝia kariero kiel juristino finiĝis, okaze de la prezidentiĝo de ŝia edzo, George Vassiliou.

Ŝi iĝis kipra parlamentano en 1996, kiel anino de la Movado de Unuiĝintaj Demokratoj, kaj estis reelektita en 2001. Dum tiu ĉi jardeko kiel parlamentanino, ŝi partoprenis komisionon pri eŭropaj aferoj kaj komisiono por la rilatoj inter Kipro kaj Eŭropa Unio. Ŝi ankaŭ reprezentis Kipron ĉe la Eŭropa Konvencio, la internacia asembleo kiu estis taskigita verki Eŭropunian Konstitucion.

De 2001 ĝis 2006 ŝi ankaŭ estis vicprezidantino de la Eŭropa Liberala, Demokrata kaj Reforma Partio, kaj estrino de la Eŭropa Reto de Liberalulinoj (European Liberal Women's Network).

En februaro 2008 ŝi estis nomumita kiel posteulino de samlandano Markos Kyprianou kiel eŭropunia komisionano pri Sano. La 3-an de marto 2008 ŝi oficiale ekokupis la postenon, kaj komence de aprilo ŝi estis intervjuita de la Eŭropa Parlamento, kiu akceptis ŝian nomumon per 446 jesoj, 7 neoj kaj 29 sindetenoj. ^[1]

La 27-an de novembro 2009, la komisiona prezidanto José Manuel Durão Barroso anoncis ŝian kandidatigon kiel eŭropunia komisionanino pri Edukado, Kulturo, Plurlingveco kaj Juneco.