-ant-

Sufiksoj en Esperanto
Tipo	Oficialaj	Neoficialaj
Verbaj	-ant-, -int-, -ont- -at-, -it-, -ot-	-unt-, -ut-
Seksaj	-in-	-iĉ-, -ip-
Aliaj	-aĉ-, -ad-, -aĵ-, -an-, -ar-, -ĉj-, -ebl-, -ec-, -eg-, -ej-, -em-, -end-, -er-, -estr-, -et-, -id-, -ig-, -iĝ-, -il-, -ind-, -ing-, -ism-, -ist-, -nj-, -obl-, -on-, -op-, -uj-, -ul-, -um-.	-ab-, -ac-, -al-, -ari-, -ator-, -e-, -ed-, -el-, -en-, -enz-, -esk-, -ez-, -i-, -if-, -ik-, -ilion-, -iliard-, -it-, -iv-, -iz-, -j-, -nomial-, -ofon-, -oid-, -ol-, -olog-, -ologi-, -ometr-, -otek-, -oz- -pj-, -t-, -tet-, -uk-.

–ant– estas la esperantlingva sufikso kiu el verbo faras aktivan aktualan participon (aŭ adjektiva aŭ adverba) aŭ substantivon.

Ĝi estas fiksita en regulo 6 de la fundamenta Gramatiko de Esperanto.

Etimologio

La sufikso –ant– estas derivita el la vokalo a en la gramatika markilo -as kaj la literoj nt de la latina/latinida aktiva prezenca participo.

–anta, –ante, –anto

• –anta formas aktivan aktualan adjektivan participon
• –ante — aktivan aktualan adverban participon
• –anto — substantivon signifantan "iu kiu faras la ago de la verbo"

Ekzemploj

• sidi → sid + anta: Gorilo sidanta sur herbo ne vidas nin. → Gorilo, kiu sidas sur herbo, ne vidas nin.
• rigardi → rigard + ante: La gorilo iras flanken, rigardante min. → La gorilo iras flanken kaj rigardas min.
• legi → leg + anto: Legantoj de ĉi tiu revuo diris ke ĝi plej bonas. → Personoj kiu legas ĉi tiun revuon diris ke ĝi plej bonas.