Cuarny

El Vikipedio, la libera enciklopedio
Jump to navigation Jump to search
Cuarny
Blazono de Cuarny
Blazono de Cuarny
Vilaĝeniro de Cuarny
Vialĝeniro de Cuarny (el la direkto de Pomy)
Kantono Vaŭdo
Distrikto Vaŭda Nordĵuraso
Koordinatoj  46°46′12″N 6°41′18″O  /  46.77°N, 6.68833°O / 46.77; 6.68833 (Cuarny)Koordinatoj: 46°46′12″N 6°41′18″O  /  46.77°N, 6.68833°O / 46.77; 6.68833 (Cuarny)
Nombro de enloĝantoj 168
Areo 4,57 km²
Alteco 580 m super marnivelo
Poŝtkodo 1404
Komunumkodo 5911
Mapo de Cuarny
Situa mapo de Cuarny
v  d  r
Information icon.svg

Cuarny estas komunumo en la distrikto Vaŭda Nordĵuraso en Kantono Vaŭdo, Svislando. Ĝi havis 168 loĝantojn je la 31-a de decembro 2012.

Geografio[redakti | redakti fonton]

La komunumo Cuarny situas sur la molasaj montetoj de la Vaŭda Mezlando proksimume 3 kilometrojn sude de la Lago de Neŭŝatelo kaj 5 kilometrojn oriente de la distriktĉefurbo Yverdon-les-Bains. La komunumo konsistas el la vilaĝo Cuarny kaj la setlejoj Fignerolles kaj La Grand-Fin, kaj kelkaj izolitaj bienoj.[1]

La teritorio de la komunumo etendiĝas sur areo de 4,57 km², de kiuj 25,0% estas kovritaj de arbaro, 67,6% servas por agrikulturo kaj 7,0% por setlado. [2]

Najbaraj komunumoj[redakti | redakti fonton]

La komunumo Cuarny limas en nordo al Villars-Epeney, en oriento al Yvonand, en sudoriento al Cronay, en sudokcidento al Pomy, en okcidento al Yverdon-les-Bains, kaj en nordokcidento al Cheseaux-Noréaz.

Trafiko[redakti | redakti fonton]

Tra Cuarny pasas konekta vojo de Pomy al Yvonand. La plej proksima alveturejo al la svisa aŭtovojo A1, kiu en sudo pasas tra la komunuma teritorio, situas proksimume 4 kilometrojn okcidente de la komunumo apud Yverdon-les-Bains.

Historio[redakti | redakti fonton]

La unua dokumenta mencio de Cuarny datiĝas el la jaro 1174 kiel Quarnie. Dum diversaj arkeologiaj fosadoj ek de la fino de la 20-a jarcento estis trovitaj restaĵoj de diversaj setlejoj el la bronzepoko kaj de romia kanalizacio. Dum mezepoko la supra parto de Cuarny kaj Fignerolles apartenis al la bienoj de la Abatejo Montheron, dum la orienta parto de Cuarny apartenis al la Subvoktejo Saint-Martin. Sub la berna regado ek de 1536 ĝis la Helveta Revolucio de 1798 Cuarny apartenis al la Voktejo Yverdon. Post la Helveta Revolucio ĝi estis atribuita al la Distrikto Yverdon, kiu kun efiko de la 1-a de januaro 2008 surbaze de la administra reformo de 2006 estis integrita al la nova Distrikto Vaŭda Nordĵuraso. En la jaro 1964 la setlejo La Grand-Fin estis disigita de la komunumo Pomy kaj atribuita al Cuarny.[3]

Notoj kaj referencoj[redakti | redakti fonton]

  1. Fonto: Reta mapo 1:20000 de Swisstopo
  2. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
  3. Fonto: Philippe Heubi: Cuarny en Historia Leksikono de Svislando (2010-04-01)

Eksteraj ligiloj[redakti | redakti fonton]

Bildoj[redakti | redakti fonton]