Duolingo

El Vikipedio, la libera enciklopedio
Duolingo
Duolingo
Duolingo
ludigo de lernado • retejopoŝtelefona aplikaĵo • eduka teknologio • Crowdsourcing as Human-Machine Translation • Esperanto-lernilo • komputile helpata lingvolernado
Retadreso https://ar.duolingo.com, https://bn.duolingo.com, https://cs.duolingo.com/, https://de.duolingo.com, https://el.duolingo.com, https://es.duolingo.com/, https://fr.duolingo.com/, https://hi.duolingo.com/, https://hu.duolingo.com/, https://id.duolingo.com/, https://it.duolingo.com/, https://ja.duolingo.com/, https://ko.duolingo.com/, https://nl-nl.duolingo.com/, https://pl.duolingo.com/, https://pt.duolingo.com/, https://ro.duolingo.com/, https://ru.duolingo.com/, https://te.duolingo.com/, https://th.duolingo.com/, https://tl.duolingo.com/, https://tr.duolingo.com/, https://uk.duolingo.com/, https://vi.duolingo.com/, https://zh-cn.duolingo.com/ https://en.duolingo.com, https://ar.duolingo.com, https://bn.duolingo.com, https://cs.duolingo.com/, https://de.duolingo.com, https://el.duolingo.com, https://es.duolingo.com/, https://fr.duolingo.com/, https://hi.duolingo.com/, https://hu.duolingo.com/, https://id.duolingo.com/, https://it.duolingo.com/, https://ja.duolingo.com/, https://ko.duolingo.com/, https://nl-nl.duolingo.com/, https://pl.duolingo.com/, https://pt.duolingo.com/, https://ro.duolingo.com/, https://ru.duolingo.com/, https://te.duolingo.com/, https://th.duolingo.com/, https://tl.duolingo.com/, https://tr.duolingo.com/, https://uk.duolingo.com/, https://vi.duolingo.com/, https://zh-cn.duolingo.com/
Lingvo(j) plurlingva
Registriĝo Jes, senpaga
Fondiĝo 30-a de novembro 2011
vdr

Duolingo estas senpaga retejo kaj aplikaĵo por lernado de lingvoj. La retejo estis oficiale lanĉita je la 19-a de junio 2012.[1] La ĉefa kreanto de paĝo estas Luis von Ahn[2], kiu ankaŭ estas la fondinto de la firmao reCAPTCHA, kiu estis vendita al Google en 2009.

Nuntempe la paĝo ekzistas en la angla, germana, itala, hispana, portugala, franca kaj rusa lingvoj. Oni povas lerni la hispanan, francan, italan, germanan, portugalan, nederlandan, irlandan, svedan, danan, turkan, norvegan, ukrainan, katalunan, grekan, kimran, rusan, vjetnaman, hebrean, polan, rumanan, gvaranian, japanan, svahilan, altvalirian, hindian, ĉeĥan, klingonan, indonezan, navahan, havajan, Esperanton kaj anglan lingvojn. Kvankam multaj lingvoj ankoraŭ estas nur lerneblaj per la angla, du (la gvarania kaj kataluna) nur estas lerneblaj per la hispana. Aktuale[klarigu] kursoj por la araba, jida, haitia, finna, kaj latina estas kreataj. Krom la reta versio ekzistas ankaŭ versio por iPhone kaj poŝtelefonoj kun Androjdo.

En januaro 2014 Duolingo havis 25 milionojn da uzantoj, el kiuj la duono aktivis[3]. Ĝis majo 2016 tiu nombro kreskis ĝis 120 milionoj da uzantoj[4]; la nombro de aktivaj uzantoj ne estas tie indikita. En marto 2020, la kursoj en Duolingo por lerni Esperanton havis 2.8 milionon da uzantoj.[5]

Kiel ĝi funkcias[redakti | redakti fonton]

La edukado funkcias tiel, ke ĉiuj uzantoj havas "lingvan arbon" kun "branĉoj", kiuj signifas unuopajn temojn - iam temas pri verboj, iam pri adjektivoj, iam pli pri gramatiko aŭ pri temaj vortoj (ekzemple bestoj aŭ manĝaĵoj).

Ĉiu temo konsistas el diversa kvanto de lecionoj, iam temas pri du lecionoj, iam estas eĉ 10 lecionoj. En ĉiu leciono havas uzanto tri vivojn (komence eĉ kvar) - koretojn. Ĉiu leciono enhavas 20 tasketojn. Se oni faras eraron, oni perdas unu koreton. Se la eraro ne estas tro granda, oni povas ankoraŭ korekti ĝin kaj gajni duonon de koreto.

Por ĉiu sukcesa leciono en ĉiu temo oni gajnas 10 poentojn kaj aldone maksimume 3 bonusajn poentojn, se la uzanto kompletas lecionon sen perdo de koretoj.

Lecionojn eblas ĉiam ajn laŭ bezono ripeti. Eblas ankaŭ elekti, ke vi volas ripeti nur vortojn de unu leciono aŭ nur unu konkretan vorton. Tiam oni ja gajnas nur 2 poentojn. Se oni ja estas pli kuraĝaj, oni povas ripeti plej malmulte konatajn vortojn (tiuj vortoj estas elektataj per Duolingo mem laŭ tio, kiom multe la uzanto konas tiujn vortojn) pli rapide per tempe-limigita leciono kaj tiukaze gajni eĉ 20 poentojn (komence estas 30 sekundoj kaj se oni sukcesas, oni gajnas pli da tempo por respondi).

Laŭ kvanto de gajnitaj poentoj ĉiu uzanto estas en certa nivelo kaj tiel oni povas pli facile kompari progreson de aliaj uzantoj.

Strukturo de lecionoj[redakti | redakti fonton]

En ĉiu leciono povas aperi jenaj ekzercoj:

  • Skribado de aŭskultita vorto/frazo
  • Tradukado de vorto/frazo
  • Elparolo de skribita vorto/frazo
  • Elektado de korekta mankanta vorto
  • Lernado de nova vorto laŭ bildo aŭ laŭ indiko en teksto por traduki
  • Elektado de korekta traduko

Aliaj lingvoj[redakti | redakti fonton]

En oktobro 2013 estis lanĉita "lingva inkubatoro", per kiu oni povas krei novajn lingvajn kursojn.[6]

Komparado kun aliaj uzantoj[redakti | redakti fonton]

Duolingo ofertas eblecon "sekvi" aliajn uzantojn kaj vidi ilian progreson, kiom da poentoj oni jam havas, kiom da vortoj oni jam konas.

Novigoj[redakti | redakti fonton]

De tempo al tempo kreantoj de Duolingo prezentas iun novigon - en decembro 2013 oni prezentis tri novajn branĉojn - tiuj ne estas devigaj, sed ofertas lerni idiomojn.

Tradukservo[redakti | redakti fonton]

Duolingo kunlaboras kun multaj kompanioj, kiuj bezonas tradukojn kaj pagas por ili. Uzantoj de Duolingo poste proponas kaj revizias tradukojn. Origine la tradukado estis deviga parto de preskaŭ ĉiu "branĉo", sed nuntempe tio jam ne plu estas necesa kaj do tiuj, kiuj volas nur lerni lingvon, ne bezonas iri tra tiu ĉi parto.

Esperanto[redakti | redakti fonton]

Kurso por anglalingvanoj[redakti | redakti fonton]

Intervjuo de Evildea kun Chuck Smith pri Esperanto-kurso ĉe Duolingo en 2015

Ekde novembro 2014 estis kreata Esperanto-versio (por anglaparolantoj), kies beta-versio publikiĝis la 28-an de majo 2015[7]. La 21-an de aŭgusto 2015 registriĝis ĉe la Esperanto-kurso la 100 000-a kursano, en aŭgusto 2016 jam la 485 000-a. En marto 2017 estis registritaj pli ol 600 000 kursanoj.[8]

La iniciatinto de Duolingo, Luis von Ahn, en prelego flanke menciis en 2012, ke homoj petadas Esperanto-kurson. Kiam poste en marto kaj majo 2014 estis voĉdonadoj, kiu lingvo aldoniĝu, Esperanto ricevis unue la duan, poste la unuan lokon de dezirataj lingvoj. Do Duolingo decidis la aldonon de Esperanto kaj en septembro 2014 internacia teamo sub gvido de Chuck Smith kaj Ruth Kevess-Cohen komencis adapti la Duolingo-kurson al Esperanto.[9] Tiu kurso estis taksita kiel turno-punkto por la Esperanto-movado.[10] En marto 2020, la kurso havis 1.6 milionon da uzantoj.[5]

Kurso por hispanalingvanoj[redakti | redakti fonton]

La 26-an de oktobro 2016 aperis kroma kurso Esperanto por hispanlingvanoj (beta versio).[11] Ĝi estas havebla oficiale en normala versio ekde junio 2017.[12][13] En marto 2020, la kurso havis 781 mil uzantojn.[5]

Kurso por portugalalingvanoj[redakti | redakti fonton]

La kurso de Esperanto por portugallingvanoj aperis en beta-fazo en la 14-a de majo 2018.[14] En marto 2020, la kurso havis 376 mil uzantojn.[5]

Kurso por franclingvanoj[redakti | redakti fonton]

La kurso de Esperanto por franclingvanoj aperis en beta-fazo la 14-an de julio 2020.

Estontaj kursoj[redakti | redakti fonton]

La kurso por ĉinlingvanoj estas anoncita por la 22-a de septembro 2020.

Estas planitaj ankaŭ kursoj por ruslingvanoj, por germanlingvanoj, ktp.

Akademia kunlaboro[redakti | redakti fonton]

Post iniciato de Anna Löwenstein, estas oficiala kunlaboro kun sekcio Lerniloj de la Akademio de Esperanto. Multaj frazoj en la kursoj (en la angla kaj la hispana) estas voĉregistritaj de Francis Soghomonian.

Statistiko pri lernantoj laŭ lingvoj[redakti | redakti fonton]

Kursoj por parolantoj de la angla[15]. Lanĉodato por la unuaj lingvoj (hispana, franca, germana) estas la fina versio (post "privata" beta-versio; ĉe postaj lingvoj por la beta-versio)[16].

Lingvo Lanĉo Fonto Nombro
lernantoj
('15-06-01)
Nombro
lernantoj
('15-07-02)
Nombro
lernantoj
('15-09-30)
Nombro
lernantoj
('16-02-08)
Nombro
lernantoj
('16-05-28)
Kresko
dum
1 monato
(31 tagoj)
Kresko
dum
4 monatoj
(121 tagoj)
Kresko
dum
8 monatoj
(~252 tagoj)
Kresko
dum
12 monatoj
(~362 tagoj)
hispana 2012-06-19 [17] 33 500 000 35 400 000 40 800 000 50 400 000 58 300 000 1 900 000 7 300 000 16 900 000 24 800 000
franca 2012-06-19 [18] 20 600 000 21 800 000 24 900 000 30 400 000 34 000 000 1 200 000 4 300 000 9 800 000 13 400 000
germana 2012-06-19 [19] 13 200 000 14 000 000 16 000 000 19 400 000 22 100 000 800 000 2 800 000 6 200 000 8 900 000
portugala 2012-10-30 [20] 3 910 000 4 100 000 4 610 000 5 390 000 6 080 000 190 000 700 000 1 480 000 2 170 000
itala 2012-12-18 [21] 8 450 000 8 940 000 10 100 000 12 100 000 13 900 000 490 000 1 650 000 3 650 000 5 450 000
nederlanda 2014-07-16 [22] 838 000 944 000 1 230 000 1 690 000 2 080 000 106 000 392 000 852 000 1 242 000
sveda 2014-11-25 597 000 709 000 1 000 000 1 490 000 1 890 000 112 000 403 000 893 000 1 293 000
irlanda 2014-11-25 742 000 808 000 1 040 000 1 420 000 1 740 000 66 000 298 000 678 000 998 000
dana 2014-11-25 395 000 446 000 596 000 832 000 1 030 000 51 000 201 000 437 000 635 000
turka 2015-03-24 132 000 214 000 475 000 896 000 1 230 000 82 000 343 000 764 000 1 098 000
ukraina 2015-05-21 [23] 13 400 27 100 134 000 288 000 373 000 13 700 120 600 274 600 359 600
norvega 2015-05-23 [24] 17 700 47 300 199 000 456 000 667 000 29 600 181 300 438 300 649 300
Esperanto 2015-05-28 12 300 42 200 144 000 289 000 403 000 29 900 131 700 276 700 390 700
rusa 2015-11-02 [25] 594 000 1 330 000 (3,5 mon.: 736 000)
pola 2015-12-10 [26] 147 000 366 000 (3,5 mon.: 219 000)
kimra 2016-01-26 [27] 17 200 134 000 (3,5 mon.: 117 800)
Sumoj 82 407 400 87 477 600 101 228 000 125 809 200 145 623 000 5 070 200 18 720 600 43 401 800 (12 mon.: 61 385 600)
Procentaĵo
de EO
0.015% 0.048% 0.14 % 0.23% 0.28% 0.59 % 0.70 % 0,63 %

La tabelo montras en la kolumnoj kresko, ke Esperanto progresas per simila ritmo kiel la ukraina, duone tiel rapide kiel la norvega kaj la dana kaj per triona rapideco de la sveda, nederlanda, turka kaj irlanda. Longavide Esperanto eble stabiliĝos ĉe duona procento de ĉiuj fremdlingvo-lernantoj ekde la angla lingvo.

Laŭ informoj ĉe "Duolingo incubator", en aŭgusto 2017 estis 977mil aliĝintoj al la kurso "Esperanto por angloparolantoj" kaj 186mil al la kurso "Esperanto por hispanparolantoj", do sume pli ol 1 miliono da eklernintoj de Esperanto.[28]

Referencoj[redakti | redakti fonton]

  1. http://techcrunch.com/2012/05/22/recaptcha-founders-language-learning-site-duolingo-to-open-to-the-public-on-june-19/
  2. https://www.bbc.com/mundo/noticias-51241014
  3. techcrunch.com
  4. Which countries study which languages, and what can we learn from it?
  5. 5,0 5,1 5,2 5,3 Kie estas la Duolinganoj? - Libera Folio 31a marto 2020
  6. Arkivita kopio. Arkivita el la originalo je 2013-12-24. Alirita 2013-12-22.
  7. Duolingo: Kurso por anglalingvanoj
  8. Goodling, Emily. Stanford students explore the vitality of the modern Esperanto movement (angle). Stanford News. Stanford University (2017-03-30). Arkivita el la originalo je 2017-03-31. Alirita 2017-03-31. “For instance, Duolingo, a popular language-learning mobile application, added Esperanto to its catalog of languages in 2015 and has since mushroomed to more than 600,000 active users.”.
  9. Arkivita kopio. Arkivita el la originalo je 2015-10-21. Alirita 2015-10-17.
  10. Duolingo: a turning point for Esperanto? Artikolo de Javier Alcalde en Usona Esperantisto.
  11. Lanĉita kurso de Esperanto por hispanparolantoj en retejo Duolingo. Esperanto.cz (2016-11-04). Alirita 2017-08-16.
  12. Course list (en fr). Duolingo Wikia. Alirita 2017-08-16.
  13. Incubator Duolingo eo-es, alirita 2017-08-16.
  14. https://incubator.duolingo.com/courses/eo/pt/status
  15. Incubator de Duolingo
  16. https://www.facebook.com/photo.php?fbid=1466874003332492&set=gm.1569761096385132&type=3&theater
  17. businesswire.com
  18. businesswire.com
  19. businesswire.com
  20. duolingo.tumblr.com
  21. http://duolingo.tumblr.com/post/38237628405/ciao-you-may-now-begin-learning-italian duolingo.tumblr.com]
  22. eble 2014-07-20; Duolingo discussion
  23. Reddit
  24. Mesaĝo al norvega-lernantoj, "Reports" pri la norvega
  25. Wikia-Duolingo: Russian for English
  26. Wikia-Duolingo: Polish for English
  27. Wikia-Duolingo: Welsh for English
  28. Duolingo Incubator, alirita 2017-08-16.

Eksteraj ligiloj[redakti | redakti fonton]