La Profeto el Pedras

El Vikipedio, la libera enciklopedio
Salti al navigilo Salti al serĉilo
Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.
La Profeto
el Pedras
La Profeto el Pedras
Aŭtoro Gersi Alfredo Bays
Eldonjaro 2000
Urbo Ŝapekoo
Eldoninto Fonto
Paĝoj 237
v  d  r
Information icon.svg

La Profeto el Pedras estas esperantlingva romano de Gersi Alfredo Bays.

Laŭ Monato, la verko konsistas el aro da pli-malpli sendependaj epizodoj, kun konstanta rolantaro, facile legata dum pluraj sidoj, sen perdi la fadenon de la rakonto. Brazila juda arkitekto, kies patro estis murdita, decidas konstrui por si novan vivon en nova loko, for de la urbocivilizacio. La vilaĝeto Pedras estas tre taŭga por tio, kaj la arkitekto, kiun oni kromnomas Profeto ­ pro lia iom sovaĝa aspekto, en tre malfacile atingebla loko apud Pedras konstruas por si "kasteleton". Baldaŭ venas loĝi kun li eksinstruistino Luiza, kiu ankaŭ bezonas fuĝi de sia pasinteco. Kaj monatojn poste venas loĝi kun ili junulino, kiu bezonegas malaperi de sia familio. Profeto ­estas tre talenta viro, bone edukita. Kune kun sia kvazaŭedzino Luiza, li multe helpas la pedrasanojn, kaj ili fariĝas liaj intimaj amikoj. Pri la vivo en Pedras ni abunde legas; ĉiam en la kadro de epizodoj, kelkfoje amuzaj, kelkfoje tragikaj, kelkfoje iomete misteraj. Nebrazilanoj ankaŭ profite informiĝas pri la naturo de kampara vivo en Brazilo, ĉiam leĝere, neniam predike.

Ĝi estas publikigita en Ŝapekoo de Fonto en 2000 kaj havas 238 paĝojn. Ĝi poste estis tradukita en la portugalan (la aŭtoro mem), italan (Enrico Dondi), anglan (Trevor Steele), ĉinan (Hu Guozhu), hispanan (Antonio Martí), katalunan (Antonio Martí) kaj eŭskan (Aitor Arana).

Eksteraj ligiloj[redakti | redakti fonton]