Saul Bellow

Saul Bellow
Nobel-premiito
Persona informo
Naskonomo	Solomon Bellows
Naskiĝo	10-an de junio 1915 (1915-06-10) en Lachine, Kebekio,  Kanado
Morto	5-an de aprilo 2005 (2005-04-05) (89-jaraĝa) en Brookline, Masaĉusetso,  Usono
Tombo	Morningside Cemetery
Lingvoj	angla
Loĝloko	Montrealo • Brookline
Ŝtataneco	Usono
Alma mater	Universitato de Viskonsino ĉe Madison • Universitato de Ĉikago • Nordokcidenta Universitato • Roberto Clemente Community Academy • Camp B'nai Brith • Weinberg College of Arts and Sciences
Subskribo
Familio
Edz(in)o	nekonata valoro • nekonata valoro • nekonata valoro • Alexandra Bellow • nekonata valoro
Infano	Adam Bellow
Okupo
Okupo	verkisto • romanisto • universitata instruisto • eseisto • aŭtoro
Verkoj	The Adventures of Augie March Herzog Henderson the Rain King

Saul BELLOW [sol BEloŭ], naskita kiel Solomon Bellows la 10-an de junio 1915 en Lachine (Montrealo, Kebekio), mortinta la 5-an de aprilo 2005 en Brookline (Masaĉuseco), estis nord-amerika verkisto, kanaddevena judo. Li ricevis la literaturan Nobel-premion en 1976.

La gepatroj de Bellow estis migrintoj el Sankt-Peterburgo, kiuj en 1913 iris al Kanado. Naŭ jarojn Solomon vivis en la poliglota antaŭurbo Lachine, inter grekaj, italaj, polaj, rusaj kaj ukrainaj enmigrintoj. Post la morto de lia patro, en 1924, la familio iris al Ĉikago. Je la aĝo de kvar jaroj la knabo lernis legi, en la hebrea lingvo, por legi la Biblion. La sperto de legado profunde influis lin; amiko poste diris, ke li "ensorbis librojn kiel aliaj homoj enspiras aeron".

Bellow ekstudis filologion en la Universitato de Ĉikago, sed post du jaroj transiris al Nordokcidenta Universitato (Ilinojo) por diplomiĝi pri antropologio kaj sociologio. Oni sugestis ke la studo de tiuj fakoj forte influis lian literaturan stilon.

Bellow komence verkis recenzojn pri libroj, sed baldaŭ komencis verki proprajn novelojn, kiuj havigis al li la reputacion de unu el la pintaj novelistoj anglalingvaj de la 20-a jarcento. Kiel unua li trifoje gajnis la usonan literaturan premion "National Book Award", per jenaj verkoj:

• The Adventures of Augie March (1953)
• Herzog (1964)
• Mr. Sammler's Planet (1969)

Stilo

Krome malmultaj esceptoj, la plej parto de la protagonistoj de lia romanoj estas ne junaj judaj viroj loĝantaj en Ĉikago aŭ Novjorko. La intrigo de liaj verkoj estas gvidata de personaj serĉaj kampanjoj kaj krizoj de la ĉefroluloj, kaj malpli per agado. Plejparte, la ĉefroluloj estas en kriza momento en sia vivo, pro romantika, financa aŭ alia kialo. La ŝtormo spertita de la ĉefrolulo starigas ekzistecajn demandojn. Li aludis en siaj romanoj al la verkoj de grandaj filozofoj, kutime sen damaĝi la legadon aŭ malhelpi la intrigon disvolviĝi. Notinda ekzemplo pri tio troveblas en La Planedo de Sinjoro Sammler pritraktanta malbonhumoran postvivanton de holokaŭsto, kiu loĝis en Novjorko dum la Kultura Revolucio de la 1960-aj jaroj.

Eksteraj ligiloj

• http://nobelprize.org/literature/laureates/1976/index.html
• http://saulbellow.org/NavigationBar/titlepage.html
• http://web.archive.org/web/20060228064216/http://www.cbc.ca/stories/2005/04/05/Arts/saulbellow050405
• http://www.nytimes.com/2005/04/06/books/06bellow.html?ex=1270440000&en=df2d53fdc540fd88&ei=5088&partner=rssnyt