Jyrki Katainen

El Vikipedio, la libera enciklopedio

Jyrki Tapani KATAINEN (naskita la 14-an de Oktobro 1971 en Siilinjärvi) estas la ĉefministro de Finnlando ekde Junio 2011. Li estas membro de la parlamento, la prezidanto de la konservativa-liberala Nacia Koalicia Partio kaj unu el la dek vicprezidantoj de la Eŭropa Popola Partio. Li magistriĝis pri sociaj sciencoj en la Universitato de Tampere.

Katainen kreskis en Siilinjärvi. Antaŭ sia politika kariero li laboris interalie kiel instruisto. Jam 22-jara li estis elektita urba deputito en Siilinjärvi. Ekde 1999 li estas parlamentano, de 2001 ĝis 2004 li estis vicprezidanto de sia partio, kaj en 2004 la partio elektis lin prezidanto.

En 2007 la Nacia Koalicia Partio, kiun do estris Katainen, fariĝis la due plej granda partio, kaj Katainen estis nomumita ministro pri financoj kaj vic-ĉefministro en la nova registaro.

En Aprilo 2011, en la parlamentaj elektoj, la Nacia Koalicio iĝis la plej granda partio en la lando. Post longa kaj malfacila intertraktado pri formado de nova registaro, la parlamento elektis lin ĉefministro kaj lia kabineto kun entute ses partioj estis formale nomumita de la prezidanto la 22-an de Junio 2011.

Katainen sciigis en Aprilo 2014, ke li ne plu kandidatos por la prezidanteco en sia partio. Tio praktike signifas, ke en Junio la partio elektos nova prezidanton, kiu plej verŝajne ankaŭ transprenos la postenon de ĉefministro.[1]

Fontoj

Referencoj

Eksteraj ligiloj

greke La retpaĝo de Jyrki Katainen en la Finna, parte en la Angla.