Libera urbo Frankfurto

El Vikipedio, la libera enciklopedio
Saltu al: navigado, serĉo
Libera urbo Frankfurto
Origina nomo Freie Stadt Frankfurt
 grandduklando Frankfurto 18161866 reĝlando Prusio 
Flagge der Freien Stadt Frankfurt.png
flago
Wappen-frankfurt.png
blazono
Geografio
FFM.png
Situo de Frankfurto (meze, ruĝe) inter Hesio-Darmstadt (brune), Hesio-Kaselo (flave) kaj Nasaŭo (grize) en la Germana Federacio
Ĉefurbo:
Loĝantaro
Kvanto de loĝantoj:
91150 (1864)
Ŝtat-strukturo
Patrina lando:
(1372-1806: Sankta Romia Imperio)
1816-1866: Germana Federacio
Estiĝo:
1815 Viena Kongreso: restarigo de la antaŭa libera regna urbo (1372-1806)
Pereo:
1866 Prusia-aŭstria milito: aneksita de reĝlando Prusio, kunigita kun Hesio kaj Nasaŭo al prusa provinco "Hesio-Nasaŭo"
Antaŭaj ŝtatoj:
grandduklando Frankfurto grandduklando Frankfurto
Postsekvaj ŝtatoj:
reĝlando Prusio reĝlando Prusio
Historio
v  d  r
Information icon.svg

La Libera urbo Frankfurto estis de 1816 ĝis 1866 unu el la kvar urboŝtatoj de la Germana Federacio. Ĝi estis la sidejo de ties Bundestag (Federacia Asembleo, iusence antaŭulo de la nuna germana parlamento Bundestag) kaj eŭropskala financa centro. En la Prusia-Aŭstria milito ĝi estis okupaciita kaj la 3-an de oktobro 1866 aneksiita de Prusio kaj aligita al ties provinco "Hesio-Nasaŭo".

Dum preskaŭ kvin jarcentoj la germana urbo Frankfurto ĉe Majno estis memrega urboŝtato ene de du gravaj germanaj ŝtatoj:

Frankfurto estis grava urbo en la Sankta Romia Imperio, estante sidejo de imperiestraj elektoj ekde 885 kaj urbo por imperiestraj kronadoj ekde 1562 (antaŭe Aĥeno) ĝis 1792. Frankfurto estis deklarita libera regna urbo, germane Freie Reichsstadt, en 1372.

Pro sia imperia signifo Frankfurto travivis la germanan "mediatizon" en 1803 kaj restis libera urbo. Post la disfalo de la Sankta Romia Imperio en 1806, Frankfurto falis sub la regon de Napoleono, kiu donis la urbon al Karl Theodor von Dalberg; la urbo fariĝis princlando Frankfurto. En 1810 Dalberg unuigis Frankfurton kun la princlando Aschaffenburg, la graflando Wetzlar, Fulda kaj Hanau al la nova grandduklando Frankfurto. Post la malvenko de Napoleono kaj la disfalo de la Rejna Federacio, la grandduklando estis disdividita kaj Frankfurto restarigita al sia antaŭ-napoleona stato de la Viena Kongreso en 1815. Frankfurto iĝis suverena ŝtato kaj membro de la Germana Federacio.