Emil Krebs

El Vikipedio, la libera enciklopedio
Saltu al: navigado, serĉo
Emil Krebs (1867-1930)
Portretfoto de Emil Krebs.
Tomboŝtono de Emil Krebs, Berlino

Emil Krebs (nask. la 15-an de novembro 1867 en Freiburg in Schlesien en Germanio, la nuna Świebodzice en Malsupra Silezio en Pollando; mortis la 31-an de marto 1930 en Berlino) estis germana sinologo. Li laboris kiel interpretisto en la ambasado de Germanio en Ĉinio. Li parolis flue ĉ. 60 lingvojn kaj ekzemple lernis la armenan lingvon dum 9 semajnoj.

Post lia morto oni elprenis lian cerbon, kiun la Universitato de Duseldorfo ankoraŭ konservas. Ekzameninte ĝin en 2004, oni konstatis, ke certa parto de la cerbo (la Broca-regiono, kiu ligiĝas al la lingvolernado) estas pli forte evoluinta ol tiu de aliaj homoj. Oni ne scias, ĉu la evoluo estis respondo al la lernado aŭ genetike fiksita afero.