La Okcidentpomeria provinco (poleWojewództwo zachodniopomorskie), ofte simple nomata Okcidenta Pomerio, ekde 1945/1946 estas provinco (historie vojevodio) de Pollando. Ĝi situas en la nordokcidenta parto de la lando ĉe la limo de Germanio kaj ĉe la Balta maro. La ĉefurbo estas Szczecin (germane Stettin). Fine de 2024 en la provinco vivis 1 622 760 loĝantoj[1] sur areo de 22 896 kvadrataj kilometroj, kio rezultigas loĝdenson de 71 loĝantoj/km². La teritorio havas komunan limon kun Pomeria provinco, Grandpollanda provinco, Lubuŝa provinco, Brandenburgio, Meklenburgo-Antaŭpomerio, distrikto Antaŭpomerio-Greifswald kaj distrikto Uecker-Randow. Historie la tereno
estas inter tiuj, kiujn la Aliancanoj en la Pocdama Konferenco de julio kaj aŭgusto 1945 decidis transdoni de Germanio al la nove fondita komunisma Pola Popola Respubliko, kio praktike signifis forpelon de ĉiuj loĝantoj kaj anstataŭigo de ili per poloj el la antaŭa Pollando. Ŝtata komisiono por trovo de loknomoj ĝis 1946 decidis novajn urbonomojn, stratonomoj ĉiukaze estis ŝanĝitaj, kaj oni decidis kiuj el la forlasitaj publikaj konstruaĵoj estis ne plene detruitaj kaj povis ricevi novajn signifojn. Tial nenio en la administrado de la nuna provinco estas pli aĝa ol 1945/1946.
La provinco dividiĝas en 18 distriktojn (powiaty), kaj krome ekzistas tri eksterdistriktaj urboj. Tiuj tri urboj poe situas lime respektive centre de distriktoj kiuj portas la nomon de la koncerna urbo, sed la urba teritorio malgraŭ la nomo ne apartenas al la samnoma distrikto.
La provinco, lokigita en centra Mezeŭropo, estas bone atingebla de ĉiuj flankoj, aŭte, fervoje kaj ankaŭ boate (precipe per la haveno de Koszalin). Ekzemple jen aparte elstariĝu la fervojlinio Szczecin Dąbie – Sobieradz, pola neelektrizita fervojlinio, lokita entute sur teritorio de la Okcidentpomeria Provinco, kiu havas apartan vikipedian artikolon. Ĝi kunigas stacion Szczecin Dąbie kun Sobieradz (historie Woltersdorf) en la komunumo Gryfino. Nuntempe la linio estas aktiva nur por vara transporto.
Vikimedia Komunejo: West Pomeranian Voivodeship [+]
distrikto Białogard, administra centro Białogard (Belgard) 44 181; 845 km²
distrikto Choszczno, administra centro Choszczno (Arnswalde) 44 205; 1 328 km²
distrikto Drawsko, administra centro Drawsko Pomorskie (Dramburg) 53 245; 1 764 km²
distrikto Goleniów, administra centro Goleniów (Gollnow) 81 189; 1 616 km²
distrikto Gryfice, administra centro Gryfice (Greifenberg) 56 216; 1 017 km²
distrikto Gryfino, administra centro Gryfino (Greifenhagen) 76 562; 1 870 km²
distrikto Kamień, administra centro Kamień Pomorski (Cammin) 43 950; 1 003 km²
distrikto Kołobrzeg, administra centro Kołobrzeg (Kolberg) 76 562; 725 km²
distrikto Koszalin, administra centro Koszalin (Köslin) 64 459; 1 668 km²
distrikto Łobez, administra centro Łobez (Labes) 33 172; 1 065 km²
distrikto Myślibórz, administra centro Myślibórz (Soldin) 61 949; 1 182 km²
distrikto Police, administra centro Police (Pölitz) 86 489; 665 km²
distrikto Pyrzyce, administra centro Pyrzyce (Pyritz) 36 239; 726 km²
distrikto Sławno, administra centro Sławno (Schlawe) 52 695; 1 043 km²
distrikto Stargard, administra centro Stargard Szczeciński (Stargard in Pommern) 118 947; 1 520 km²
distrikto Szczecinek, administra centro Szczecinek (Neustettin) 72 383; 1 766 km²
distrikto Świdwin, administra centro Świdwin (Schivelbein) 42 996; 1 093 km²
distrikto Wałcz, administra centro Wałcz (Deutsch Krone) 49 705; 1 415 km²
