Armitaj fortoj

El Vikipedio, la libera enciklopedio
Saltu al: navigado, serĉo

Armitaj fortoj estas la armita organizaĵo de ŝtato, destinita por ties defendo okaze de elekstera agresio aŭ minaco por ties integreco, kiel rimedo de efektivigo de la ŝtata politiko, ktp.

Konsisto[redakti | redakti fonton]

Armitaj fortoj povas inkluzivi diversajn specojn de militaj formacioj. Ekzemple Armitaj Fortoj de Rusia Federacio konsistas el teraj trupoj, aerfortoj, marfortoj, kosmaj kaj paraŝutaj trupoj, kaj raketaj fortoj de strategia destino. Armitaj fortoj de Usono inkluzivas terajn trupojn, marfortojn, aerfortojn, maristan infanterion kaj marbordan gardantaron. Eĉ la armitaj fortoj de malgranda Burundo konsistas el du komponantoj — la armeo kaj la ĝendarmaro.

Termina precizeco[redakti | redakti fonton]

Ne decas konfuzi nociojn armitaj fortoj kaj armeo, kvankam en ĉiutaga parolado ili ofte intermiksiĝas. Ekzemple la oficiala nomo de la armitaj fortoj de Ĉinio estas Popola Liberiga Armeo. Sed reale temas pri tutaĵo de ĉiuj armeoj, brigadoj, regimentoj, flotoj, eskadroj, kaj aliaj militaj formacioj de ĉi tiu ŝtato. Tiel, supremenciita Popola Liberiga Armeo konsistas el: teraj trupoj, aerfortoj, marfortoj kaj la Dua artileria korpuso.