Carlo Levi

El Vikipedio, la libera enciklopedio
Saltu al: navigado, serĉo
Carlo Levi

Carlo Levi en 1947
Carlo Levi en 1947

Persona informo
Nomo Carlo Levi
Dato de naskiĝo 29-a de novembro 1902
Loko de naskiĝo Torino
Dato de morto 4-a de januaro 1975
Loko de morto Romo
Okupo
Aĝo je morto 72
v  d  r
Information icon.svg

Carlo Levi [Karlo Levi] (naskiĝis la 29-an de novembro 1902 en Torino, mortis la 4-an de januaro 1975 en Romo) estis itala verkisto, pentristo kaj politikisto

Levi, filo de burĝa juda familio, jam kiel infano interesiĝis pri pentrado, tamen studis medicinon kaj ricevis kuracistan diplomon. Li neniam oficiale praktikis kiel kuracisto. En 1931 li aliĝis al la kontraŭfaŝisma movado Giustizia e libertà (justo kaj libero). Pro sia suspektata kontraŭfaŝisma agado li estis arestita en 1934 kaj denove en 1935, post kiam oni kondamnis lin al restado en Grassano kaj poste al Aliano en Basilikato (ĝis majo 1936). Li senpage kuracis malriĉulojn, sed la aŭtoritatoj malpermesis al li tion. En 1936 li estis liberigita pro ĝenerala amnestio okaze de la itala konkero de Adis-Abebo. Li foriris al Parizo kaj revenis al Italio nur en 1941. Oni denove arestis lin kaj enprizonigis lin ĝis 1943, kiam Benito Mussolini perdis la politikan povon en Italio.

El la spertoj dum sia "ekzilo" en Aliano li verkis en 1943 kaj 1944 la romanon Cristo si è fermato a Eboli (Kristo finhaltis en Eboli), kiun li povis publikigi en 1945. La romano kritikas la sen-civilizaciajn kondiĉojn en la kamparaj regionoj de Basilikato, kien "eĉ la mesaĝo de Kristo ŝajnas neniam esti veninta".

Post la dua mondmilito Levi estis aktiva kiel verkisto kaj pentristo. En 1963 li estis elektita kiel itala senatano kaj restis tian ĝis 1972.

En 1975 li mortis pro pneŭmonio.

Kiam Levi en 1936 rajtis foriri de Aliano, li promesis reveni, sed neniam faris tion en sia vivo. Post sia morto en Romo li tamen estis entombigita en Aliano.