Jindřichův Hradec

El Vikipedio, la libera enciklopedio
Saltu al: navigado, serĉo
Jindřichův Hradec
germane: Neuhaus
urbo
Jindrichuv Hradec-square2.jpg
Urbocentro de Jindřichův Hradec
Jindrichuv hradec prapor.gif
Flago
Jindrichuv Hradec CoA CZ.png
Blazono
Oficiala nomo: Jindřichův Hradec
Ŝtato Flago de Ĉeĥio  Ĉeĥio
Regiono Sudbohemia regiono
Distrikto Distrikto Jindřichův Hradec
Administra municipo Jindřichův Hradec
Historia regiono Bohemio
Memorindaĵoj Jindřichův Hradec kastelo, Kripo de Krýza
Riveroj Nežárka, Hamerský potok rojo
Situo Jindřichův Hradec
 - alteco 475 m s. m.
 - koordinatoj 49°08′00″N 15°00′00″E  /  49.133333°N, 15°O / 49.133333; 15 (Jindřichův Hradec)
Areo 74,27 km² (7 427 ha)
Loĝantaro 22 441 (11.12.2009)
Denseco 302,15 loĝ./km²
Unua skribmencio 1220
Horzono MET (UTC+1)
 - somera tempo MET (UTC+2)
Poŝtkodo 377 01
NUTS 3 CZ031
NUTS 4 CZ0313
NUTS 5 CZ0313 545881
Katastraj teritorioj 10
Partoj de urbo 14
Bazaj sidejunuoj 37
Situo enkadre de Ĉeĥio
ButtonRed.svg
Situo enkadre de Ĉeĥio
Commons-logo.svg Vikimedia Komunejo: Jindřichův Hradec
Retpaĝo: www.jh.cz
Portal.svg Portalo pri Ĉeĥio

Jindřichův Hradec [prononcu jindrĵiĥuv hradec, ĉeĥlingve signifas "Kastelo en Henriko"] estas distrikta urbo en Ĉeĥio. Ĝi situas en suda Bohemio, ĉe la kunfluejo de rivero Nežárka kaj rivereto Hamer. Proksime troviĝas lago Vajgar kun areo de 49 ha, kiu estas ŝatata ripozejo. Historia urbeto kun multaj vidindaĵoj, protektata urba monumentrezervejo, apartenas al plej konataj turismaj lokoj en la lando. La samnoma renesanca kastelo estas tria la plej granda en Ĉeĥio, post tiuj de Prago kaj Český Krumlov.

Historio[redakti | redakti fonton]

Pro la protektata situo inter la du riveroj ĝi estis setlata almenaŭ jam en la 10-a jarcento. En la 13-a jarcento ekestis la dinastio de Hradec, kies ano Jindřich Vítkovec donis al kavalira ordeno la patronecon pri la paroĥa preĝejo sub la kondiĉo, ke la ordeno konstruu hospitalon. Unua administranto (speco de urbestro) tiutempe estis juĝisto Henriko "Kameník" ("la ŝtona").

En 1277 la urbon okupis reĝo Přemysl Otakar la 2-a.

En 1389 Henriko la 3-a de Hradec donis al la urbo kaj ĝiaj anoj la privilegion libere moviĝi kaj komerci per varoj kaj nemoveblaĵoj. En 1410 unuafoje dokumente menciiĝas la nomo Jindřichův Hradec, kiu do verŝajne devenas de Henriko la 3-a, ne de iu el liaj samnomaj antaŭuloj. En 1450 la kavalira ordeno forlasis la urbon.

Dum la husanaj militoj la urbo estis grava intertraktejo inter la malamikaj partioj.

Dum la Aŭstra-Hungara Monarĥio, eble jam antaŭe ĉe siaj germanlingvaj loĝantoj, la urbo havis la germanan kromnomon Neuhaus.

Zakario De Hradec estis grava arĥitekto de la urbo Telč.

Vidindaĵoj[redakti | redakti fonton]

  • renesanca kastelo Jindřichův Hradec
  • kastela bierfarejo
  • kastela akvomuelejo, rekonstruita je akvoelektrejo
  • distrikta muzeo
  • ĉefplaco kun gotika urbodomo, pestokolono kaj urbanaj domoj
  • preĝejo de Sankta Maria Magdalena
  • preĝejo de Sankta Katarino
  • preĝejo de Sankta Jakobo
  • preĝejo de Ĉieleniro de Virgulino Maria
  • preĝejo de Plej Sankta Triunuo
  • urba muregaro
  • ŝtona ponto inter fixslagoj Velký Vajgar kaj Malý Vajgar
  • sinagogo
  • krucvojo en parko de Jakobo
  • presejo de Landfras
  • franciskana monaĥejo
  • akvaparko
  • densa reto de biciklovojoj en la ĉirkauaĵo

k.a.

Eksteraj ligiloj[redakti | redakti fonton]