Pehr Evind Svinhufvud

El Vikipedio, la libera enciklopedio
Saltu al: navigado, serĉo
Pehr Evind Svinhufvud
Pehr Evind Svinhufvud

ĉefministro kaj prezidanto de Finnlando

Naskiĝo 15-an de decembro 1861
en Sääksmäki en suda Finnlando
Nacieco Flago-de-Finlando.svg Finnlando
v  d  r
Information icon.svg

Pehr Evind SVINHUFVUD [per e:vind svi:nhuved] (naskiĝis en 1861, mortis en 1944) estis finna politikisto kaj la unua ĉefministro de Finnlando. Li unuafoje oficis de la 27-a de novembro 1917 ĝis 27-a de majo 1918 kaj de tiam ĝis decembro 1918 estis prezidanto de Finnlando. Duafoje li estis finnlanda ĉefministro de la 6-a de julio 1930 ĝis 16-a de februaro 1931, kaj de tiam ĝis 1937 ankaŭ duafoje estis prezidanto de Finnlando.

Peter Svinhufvud naskiĝis la 15-an de decembro 1861 en Sääksmäki en suda Finnlando, kiutempe okupita de la Rusia Imperio, kaj post la lerneja tempo iĝis juristo. Li reprezentis sian ekde la jaro 1574 nobelan familion en la kavalira ĉambro de la tradicia finna parlamento, inter la jaroj 1907 kaj 1914 estis konservativisma membro de la nova unu-ĉambra parlamento kaj ĝis la jaro 192 estis ties parolisto. Estante kontraŭanto de la cara reĝimo de la Rusia Imperio, li en 1914 estis deportita al Siberio. En 1917 li revenis, iĝis prezidanto de la nova finna senato kaj vojaĝis al Sankt-Peterburgo por konvinki Leninon permesi la sendependiĝon de Finnlando, kio sukcesis. Dum la Finnlanda Enlanda Milito li estis gvidanto de la nekomunisma "Blanka Registaro" en Vaasa/Turku, estis ĉefministro kaj ĝis decembro 1918 prezidanto de Finnlando. Post la fino de la Unua Mondmilito li kiel subtenanto de la monarkio kaj de la Germana Regno ne plu konsideriĝis taŭga ŝtata prezidanto de Finnlando kaj anstataŭiĝis pere de Gustaf Mannerheim. En 1930 la Lappo-movado devigis lian duafojan nomumon kiel ĉefministro, kaj en 1931 li duafoje iĝis prezidanto de Finnlando. Daŭre estante konservativisto, li ne volis toleri la registaran partoprenon de la Finnlanda socialdemokratia partio kaj perdis la prezidantan baloton de la jaro 1937.

Pehr Evind Svinhufvud mortis la 29-an de februaro 1944 en Luumäki en Suda Karelio. Impona monumento pri li staras antaŭ la finnlanda parlamentejo en Helsinko.

Antaŭe: Regento de Finnlando Poste: Coat of arms of Finland.svg
(ofico kreita) maj - nov. 1918 Carl Gustaf Emil Mannerheim
Antaŭe: Ĉefministro de Finnlando Poste: Coat of arms of Finland.svg
(ofico kreita) 1917–1918 Juho Kusti Paasikivi 1-a-foje
Kyösti Kallio 1930–1931 Juho Sunila 2-a-foje
Antaŭe: Prezidanto de Finnlando Poste: Coat of arms of Finland.svg
Lauri Kristian Relander 1931–1937 Kyösti Kallio

Vidu ankaŭ[redakti | redakti fonton]