Pola Esperanto-Junularo
Pola Esperanto-Junularo (PEJ) estas organizaĵo unuiganta junajn esperantistojn loĝantajn en Pollando. Ĝi estas la Junulara Sekcio de Pola Esperanto-Asocio kaj la Landa Sekcio de Tutmonda Esperantista Junulara Organizo.
PEJ estis fondita la 21-an de septembro 1958 dum la 15-a Tutpollanda Esperanto-Kongreso en Krakovo kaj akceptita kiel Landa Sekcio de TEJO en 1959. En sia nuna formo ĝi estis establita en la jaro 2004.
La ĉefa aranĝo de PEJ estas Junulara E-Semajno (JES), organizata kun Germana Esperanto-Junularo kaj Varsovia Vento. PEJ-anoj renkontiĝas ankaŭ en la ĉiujaraj PEJ-kunvenoj kaj ekde 2012 en la PEJ-semajnfinoj, kiuj okazas ĉiun duan monaton en iu urbo de Pollando.
Enhavo |
Celoj [redakti]
PEJ okupiĝas ĉefe pri:
- popularigado kaj instruado de Esperanto inter polaj junuloj
- subtenado de junularaj Esperanto-kluboj en la tuta Pollando
- organizado de trejnaj kaj integrigaj aranĝoj por la membroj
- kunlaboro kun eksterlandaj junularaj Esperanto-organizaĵoj
Estraro [redakti]
Pli detalaj informoj troveblas en la artikolo Estraroj de PEJ.La nuntempan Estraron de PEJ, elektitan por la oficperiodo 2013–2014 formas:
- Prezidanto: Anna Maria Koniecpolska-Lachowska
- Vicprezidanto: Konstantin Tiĥomirov (komitatano A de TEJO por PEJ)
- Sekretario: Łukasz Żebrowski
- Kasisto: Agata Cichocka
- Estrarano pri instruado kaj loka agado: Szilva Szabolcs
Kunlaboraj rilatoj [redakti]
Kun Varsovia Vento [redakti]
PEJ multe kunlaboras kun la klubo Varsovia Vento. Ili inter alie kunorganizis la jenajn renkontiĝojn:
- 61-a IJK – Internacia Junulara Kongreso en Zakopane (2005)
- Ago-Semajno – tutsemajna renkontiĝo dum novjaro (ĝis 2008/2009)
- Humura Esperantista Libera Aranĝo, komence de majo
Kun GEJ [redakti]
- Junulara E-Semajno (JES) – tutsemajna renkontiĝo dum novjaro (ekde 2009/2010)
Kun EK MASI kaj SKEJ [redakti]
Kune kun la E-klubo el Moskvo EK MASI kaj SKEJ ĝi organizis someran instrutendaron Slava Esperanto-Studado (SES) en Slovakio (2007). Krom tio estis organizita ankaŭ Ago-Semajno en Liptovský Mikuláš en fino de la jaro 2008.
Kun ĈEJ kaj GEJ [redakti]
- 65-a IJK – Internacia Junulara Kongreso en Liberec, Ĉeĥio (2009)
- Aktivula renkontiĝo en Dresdeno, Germanio (28.10–30.10.2011)[1]
Referencoj [redakti]
Vidu ankaŭ [redakti]
- Estraroj de PEJ
- Pola Studenta Esperanto-Komitato – historia dua landa sekcio de TEJO en Pollando
