Sachsenhausen

El Vikipedio, la libera enciklopedio
Saltu al: navigado, serĉo
Ĉefa enirejo ĉe turo A.

Sachsenhausen estis nazia koncentrejo kaj poste sovetia speciala internigejo situante proksime de Oranienburg, je ĉ. 25 km norde de Berlino.

Historio dum la nazia tempo[redakti | redakti fonton]

La tenejon instalis jam en la 1933 taĉmentoj de la berlina SA, do tre frue. Komence ĝi servis kiel malliberejo por politikaj kontraŭuloj (komunistoj, socialdemokratoj ktp.); ekde 1936 la SS pligrandigis ĝin kaj ĝi iĝis koncentrejego kun (je la fino) ne malpli ol 61 filioj. Nun ankaŭ judoj kaj sovetianoj troviĝis en la koncenetrejo, kiuj devis fari devigan punlaboron ĉefe en la armila industrio. Ĝis 1945 nur 140.000 unuopuloj registritis, sed fakte estis verŝajne pli ol 200.000 homoj surloke.

Pluraj dekmiloj mortis pro la malbona higieno, turmentadoj, medicinaj eksperimentoj aŭ la provo de la funkciado de gasmortigaj veturiloj en aŭtuno 1941. Malmultajn tagojn antaŭ la liberigo de la koncentrejo (en la 22-a de aprilo 1945) la gardantoj komencis evakui la koncentrejon (vidu ankaŭ ---> Memorigloko Todesmarsch im Belower Wald.

Uzo dum sovetia okupado[redakti | redakti fonton]

Ĵurigo de orientgermanaj soldatoj en la eksa koncentrejo (poŝtmarko de 1981).

Post la fino de la Dua mondmilito la komplekso uzitis ĝis 1950 kiel Sovetia speciala internigejo nr. 7 (simile al Buchenwald). Kun ne tute 60.000 arestitoj - inter ili ankaŭ multaj nekulpaj - ĝi estis la plej granda siaspece en Orienta Germanujo.

Memorigloko[redakti | redakti fonton]

La registraro de GDR faris Sachsenhausen nacia memoriga areo. Du barakoj (kiel loĝis judoj) estis brulitaj en 1992 fare de radikaluloj dekstraj. Post la renovado ili gastigas daŭrajn ekspoziciojn pri la destino de judaj internigitoj kaj pri la ĉiutaga vivo de koncentrejanoj. En 2001 oni krome malfermis elmontradon pri la sovetia internigejo.

Eksteraj ligiloj[redakti | redakti fonton]