Kiriakos MITSOTAKIS (grekeΚυριάκος Μητσοτάκης, ankaŭ latinliterigata Kiriakos Micotakis, naskiĝis la 4-an de marto1968 en Ateno) estas grekapolitikisto kaj ekde la 8-a de julio 2019 la ĉefministro de Grekio (kun mallonga paŭzo de la 25-a de majo 2023 ĝis la 26-a de junio 2023). Ekde la 11-a de januaro 2016 li estas la prezidanto de la partio Nea Dimokratia (ND). Antaŭe, li estis ministro por administra reformo en la kabineto Andonis Samaras de 2013 ĝis 2015 kaj gvidanto de la opozicio en la greka parlamento de 2016 ĝis 2019. La 25-an de junio2023 li kaj la partio Nea Dimokratia (ND) venkis en parlamenta balotado en Grekio, post kiam lin la 25-an de majo2023 ĉefministre provizore anstataŭigis Ioannis Sarmas.[1]
Kiriakos Mitsotakis devenas de familio kreta kiu ekloĝis en Ateno; Eleftherios Venizelos estis lia praonklo. Lia patro Konstantinos Mitsotakis (1918–2017) devis vivi en ekzilo kiel opozicia politikisto dum la greka diktaturo de la koloneloj. La familio translokiĝis al Parizo kiam Kiriakos havis 6 monatojn kaj revenis en 1974, kiam Kiriakos estis sesjara, post la fino de la diktaturo. Lia patro estis ĉefministro de Grekio (kabineto Konstantinos Mitsotakis) de aprilo 1990 ĝis oktobro 1993 kaj poste honora prezidanto de Nea Dimokratia (ND).
En 1986 Kiriakos Mitsotakis finstudentiĝis ĉe la Kolegio de Ateno kiel la plej bona en sia klaso kaj studis en Harvard kaj Stanfordo. Li estas edziĝinta al Mareva Grabowski kun britaj, grekaj, polaj kaj egiptaj radikoj; ili havas tri infanojn (Sofia, Konstantinos, n. en 1998,[2] kaj Dafni). Kiriakos Mitsotakis regas la anglan kaj la francan kaj parolas iom la germanan.
_03_(cropped).jpg)
Grekio
