Arizonaj montarbaroj

El Vikipedio, la libera enciklopedio
Jump to navigation Jump to search
Situo de la ekoregiono.
Tutmonda disvastiĝo de la mezvarmaj koniferarbaroj.

La arizonaj montarbaroj estas tersupraĵa ekoregiono el la nord-meksika ekoprovinco de la nearktisa ekozono laŭ la tipologio de la Monda Natur-Fonduso (WWF). Biome ĝi apartenas al mezvarmaj koniferarbaroj de Sudokcidenta Usono. Tiuj arbaroj gastigas multajn arbarajn vivejojn kaj tre diversan faŭnon.

La riveroj kaj iliaj bordoj estas gravaj vivejoj por specifaj faŭno kaj fiŝoj.

Priskribo[redakti | redakti fonton]

Aŭtumnkoloraj ŝajtremolaj poploj en Nacia Arbaro Kajbab.
Nacia Arbaro Apaŝ-Sitgrivs.

La ekoregiono konstituas pejzaĝon de krutaj montoj kaj altaj ŝtonaj altebenaĵoj kun ŝtonaj nudrokoj de la Kajbab-Altebenaĵo en norda Arizono sude ĝis la Mogolon-Altebenaĵo kaj orienten en sudokcidenta Nov-Meksiko. La altitudoj varias de 1 370 m al 3 000 m kun kelkaj pli altaj pintoj. Specifaj areoj inkludas la Gila-Sovaĝejon en Nov-Meksiko.

Flaŭro[redakti | redakti fonton]

Arboj de la areo inkludas iujn de la piceoj, abioj kaj ŝajntremolaj poploj (Populus tremuloides), arbospeciojn tipe de Rokmontaro pli fore norden kune kun tipe meksikaj arboj kiaj glatafolia pino (Pinus leiophylla), Engelman-pino (Pinus engelmannii) kaj arizona pino (Pinus arizonica) de Gila-Sovaĝejo kaj aliloke. La pli malaltaj altitudoj havas miksan pinjonan-juniperan-kverkan duonarbaron.

Faŭno[redakti | redakti fonton]

La faŭno trovata ĉi tie inkludas la miniaturan Aegolius acadicus (segilakrigaj strigoj) kaj multajn birdojn kaj reptiliojn kiuj estas komunaj en Meksiko pli sude, kiel ekzemple la sekreteman montezuman koturnon. La kavernoj de Gvadalup-Montaro estas specifa vivejo por skaraboj, centpieduloj kaj aliaj senvertebruloj.

Minacoj kaj konservado[redakti | redakti fonton]

Tiu esta sufiĉe stabila ekoregiono kun proksimume 25% de la origina vivejo ankoraŭ sendifekta kvankam vundebla al arbarekspluatado kaj al troa paŝtado. Poluo kaj kanaligado de riveroj estas endanĝerigantaj specifajn speciojn kiajn Fremont-poplon (Populus fremontii) kaj Guding-saliko (Salix gooddingii), la minacatan Gil-truton (Oncorhynchus gilae), kaj Empidonax traillii extimus (tiranedoj). La senarbarigo daŭre neniigas la vivejon de Strix occidentalis lucida kaj de akcipitro (Accipiter gentilis).

Vidu ankaŭ[redakti | redakti fonton]


Nearktisaj mezvarmaj koniferarbaroj
NA0501 Rok-montaraj arbaroj de Alberto Flago-de-Kanado.svg Kanado
NA0503 Arizonaj montarbaroj Flago-de-Usono.svg Usono
NA0506 Brit-kolumbiaj kontinent-marbordaj arbaroj Flago-de-Kanado.svg Kanado, Flago-de-Usono.svg Usono
NA0507 Kaskad-montaraj leaj arbaroj Flago-de-Kanado.svg Kanado, Flago-de-Usono.svg Usono
NA0508 Arbaroj de centra kaj suda Kaskada Montaro Flago-de-Usono.svg Usono
NA0511 Koloradiaj rokmontaraj arbaroj Flago-de-Usono.svg Usono
NA0513 Floridaj sablopinaroj Flago-de-Usono.svg Usono
NA0514 Arbaroj de Frejzer-Altebenaĵo kaj Frejzer-Baseno Flago-de-Kanado.svg Kanado
NA0515 Grand-basenaj montarbaroj Flago-de-Usono.svg Usono
NA0518 Arbaroj de norda-centra Rokmontaro Flago-de-Kanado.svg Kanado, Flago-de-Usono.svg Usono
NA0519 Nord-kaliforniaj marbordaj arbaroj Flago-de-Usono.svg Usono
NA0520 Nord-pacifikaj marbordaj arbaroj Flago-de-Kanado.svg Kanado, Flago-de-Usono.svg Usono (Alasko)
NA0525 Arkipelago Reĝino Karloto Flago-de-Kanado.svg Kanado
NA0527 Arbaroj de Sierra Nevada Flago-de-Usono.svg Usono
NA0529 Sudorient-usonaj koniferaroj Flago-de-Usono.svg Usono

Eksteraj ligiloj[redakti | redakti fonton]