Helen Keller

El Vikipedio, la libera enciklopedio
Saltu al: navigado, serĉo

Helen KELLER (naskiĝis la 27-an de junio, 1880, mortis la 1-an de junio, 1968) estis usona verkistino. Ŝi estis blinda kaj surda, kaj sukcese luktis kontraŭ la barieroj de la komunikado.

Helen Keller naskiĝis en Tuscumbia, Alabamo. En la aĝo de 19 monatoj ŝi pro malsano iĝis blinda kaj surda.

Helpe de sia instruistino Anne Sullivan ŝi unue lernis komuniki per palpado de la polmo. Poste ŝi lernis paroli kaj skribi, ŝi vizitis universitaton, lernis fremdajn lingvojn, verkis librojn kaj prelegis.

Helen Keller fariĝis ano de la Socialisma Partio, luktis kontraŭ militoj kaj engaĝiĝis por la rajtoj de subpremitoj. Ŝi mortis en Westport, Konetikuto.

Helen Keller kaj Esperanto[redakti | redakti fonton]

Helen Keller esprimiĝis favore al "supernacia lingvo" :

"Mi konsideras Esperanton kiel grandan esperigon de miaj samsortanoj. La unua kaj la plej bona helpo al blindaj kaj surdaj homoj povas veni nur el niaj propraj vicoj, kaj ju pli ni kunagas trans chiujn landlimojn, des pli granda estos ankau la helpo. Por supernacia interkompreniĝo oni bezonas supernacian lingvon por eviti maloportunecon de tradukoj. Inter la blinduloj, la rondo de esperantistoj konstante pligrandiĝas." (El intervjuo aperinta en "Die Furche", aŭstra katolika kulturgazeto, citita en "Pri Internacia lingvo dum jarcentoj". Isaj Dratwer. Tel-Avivo, memeldono, p.67-68 el la dua eldono. 1977.)

En "Enciklopedio de Esperanto" sub "Jugoslavio"(Budapeŝto : "Literatura Mondo", 1934, p. 269 en la papera eldono) troveblas : "En la eldonejo kaj presejo de la blin­dulinstituto en Zemun aperis samtem­pe "Ni vojaĝas al Jugoslavujo" de l' blindulino Helen Keller, trad. de Branko Rajsic." (Referencoj)

Listo de verkoj[redakti | redakti fonton]

  • The Story of My Life (membiografio, 1902)
  • Optimism (eseo, 1903)
  • The World I Live In (eseo, 1908)
  • Midstream – My Later Life (membiografio, 1929)


Eksteraj ligiloj[redakti | redakti fonton]