Satyajit Ray

El Vikipedio, la libera enciklopedio
Saltu al: navigado, serĉo
Satyajit Ray

Satyajit RAY [satjaĝit re] naskiĝinta je la 2-a de majo 1921 en Kolkata kaj mortinta je la 23-a de aprilo 1992 en Kolkata, estis barata filmreĝisoro el Okcident-Bengalo (kaj li verkis siajn filmojn en la bengala lingvo) kaj estas inter la kelkdek grandaj klasikaj majstroj de la tutmonda kino. Lia unua filmo Pather Panchali (kanto de la pado) de 1955 tutmonde famigis lin kaj estis inter alie en 1956 honorigita per la speciala premio de la Festivalo de Cannes.

Satyajit Ray estas konata pro sia humanisma aliro al kinarto. Li studis en Shantiniketan, la Tagora kampara universitato, kie li pasigis multe da tempo aŭskultante okcidentan klasikan muzikon. La kinarto de Ray konsistas en rara miksaĵo de intelekto kaj emocio. Ĝi estas precize regita, detalama, kaj samtempe profunde emociiga al la spektantoj, ne tamen uzante patoson nek troan dramecon.

Famaj filmoj[redakti | redakti fonton]

  • Pather Panchali (kanto de la pado) 1955
  • Jalsaghar (la muziksalono) 1958
  • Mahanagar (la granda urbo) 1963
  • Shatranj ke Khilari (la ŝakluduloj) 1977
  • Agantuk (la nekonatulo) 1991

Eksteraj ligiloj[redakti | redakti fonton]