Kapitulaco de la Germana Regno

Generalo Alfred Jodl subskribas la kapitulacon de Wehrmacht en Reims - la 7an de majo 1945

La protokolo de kapitulaco de la Germana Regno finigis la militagojn de la Dua Mondmilito en Eŭropo. La teksto estis subskribita la 7an de majo 1945 en Reims (vidu la supran foton). Ĉar li estis la stabestro de la generalo de Gaulle, la franca generalo François Sevez estis kunvokita lastminute, por subskribi kiel atestanto. Nur la angla teksto validas.

Pro postulo de Stalin, alia protokolo de kapitulaco estis subskribita la morgaŭon (8a de majo 1945), en Karlshorst, Berlino, fare de reprezentantoj de la tri armitaj fortoj de la Oberkommando de la Wehrmacht (OKW), kaj de la flanko de la Aliancanoj ties altaj supremaj estroj sovetia, usona kaj franca, kiel observantoj de la subskribo. Nur la angla teksto validas. Estis la 23h10, kiam la dua dokumento estis finsubskribita. Sed pro horaraj tialoj, estis jam la morgaŭo, la 1h10, en Moskvo. Pro tio en Rusio kaj en la eks-sovetaj respublikoj, la kapitulaco de la Germana Regno estas celebrata la 9an de majo.

Rilataj artikoloj

Misio Velichovky

Bibliografio

Chaney, Otto Preston. Zhukov. University of Oklahoma Press, 1996, ISBN 0-8061-2807-0, ISBN 978-0-8061-2807-8.
Pinkus, Oscar . The war aims and strategies of Adolf Hitler, McFarland, 2005, ISBN 0-7864-2054-5, ISBN 978-0-7864-2054-4
Ziemke, Earl F. "The U.S. Army in the occupation of Germany 1944–1946" Center of Military History, United States Army, Washington, D. C., 1990, Library of Congress Catalog Card Number 75-619027