Michael Jackson

Michael Jackson
Michael Jackson
	; Jackson en la jaro 2003
Bazaj informoj
Naskonomo	Michael Joe Jackson
Alie nomata	King of Pop (Reĝo de popmuziko)
Naskiĝo	29-an de aŭgusto 1958; en Gary
Morto	25-an de junio 2009 (50-jara); en Los-Anĝeleso
Edz(in)o	Lisa Marie Presley
Ĝenroj	R&B; Soulo; New jack swing; Funko; Rok-muziko ; Diskoteka muziko; Popmuziko
Profesio	kantisto, tekstisto, producento, aktoro, ĥoreografiisto
Instrumentoj	Tamburo, Drumo, Klavarinstrumento, Piano, Gitaro, Kontrabaso
Tipo de voĉo	Tenoro (en la infanaĝo soprano)
Aktivaj jaroj	1968-2009
Eldoninto	Motown, Epic (Sony Music Entertainment)
Retejo	Michael Jackson
Signifa instrumento
	voĉo
v • d • r

Michael Joseph JACKSON [MAJkl ĜOŬzef ĜEKsn] (naskiĝis la 29-an de aŭgusto 1958 en Gary, Indianao, Usono; mortis la 25-an de junio 2009^[1]) estis pop-muzikisto, spektaklisto, dancisto, mirinfano. Li estis inter la plej famaj kaj skandalopersekutitaj steluloj de la mondo.

Unu besto, malkovrita kiam li mortis, estis malkovrita kaj nomita en honoro de Michael Jackson, la mesoparapylocheles michaeljacksoni.

Kariero[redakti | redakti fonton]

En 1965 lia patro fondis la muzikgrupon The Jackson Five ("La Ĵaksona Kvinopo") kun Michael kaj liaj kvar plimaljunaj fratoj. En la jaro 1969 la grupo sukcesis kun la kantoj ABC, I Want You Back, The Love You Save kaj I'll Be There. Kiel solisto li eldonis en 1979 Off the Wall, kaj en 1982 Thriller. Ekde la grandega sukceso de lia albumo "Thriller" oni kelkfoje nomas lin la "King of Pop" (reĝo de popo). Dum la 1980-aj jaroj li montriĝis originaleca dancisto.

En 1993 usonano Evan Chandler akuzis la kantiston pri stupro de sia 13-jara filo. La 18-a de novembro 65-jara Chandler estis trovita en sia loĝejo en Jersey City (Nov-Ĵerzejo), pafmurdita kun pistolo en mano. Oni opinias, ke temas pri sinmortigo.

Esperanto[redakti | redakti fonton]

En 1995 oni uzis Esperanton por mallonga enkonduka alparolo en varbfilmeto por la muzikdisko HIStory de Michael Jackson. (Oni uzis ankaŭ la simbolon de kvinpinta stelo, kiun oni uzas ankaŭ por la internacia lingvo, sed ne en verda koloro.)^[2]

La filmo «This Is It»[redakti | redakti fonton]

La 28-an de oktobro 2009 je 04:00 UT en Londono okazis unua publika prezentado de la dokumentario «This Is It», kunmetita per scenoj kaj filmeroj en kiuj la artisto provludis por prepari sian revenon al mondaj scenejoj. La filmo estas entuziasme akceptita de la fervoruloj de Michael Jackson, sed iuj el ili diris, ke la filmo kaŝas la regresintan sanon de Jackson. Do parto da fervoruloj starigis kampanjon nomitan «This is not it», akuzas la koncertovarbanton AEG Live, ke ĝi tro ŝarĝis la stelulon dum la konstruo de lia 50-koncerta rondiro ĉe la londona «O2 Arena». Dum limigita periodo de du semajnoj la filmo estos prezentata en 110 landoj.^[3]