Perovo (Simferopola distrikto)
|
Por aliaj signifoj, bv. rigardi la apartigilan paĝon: Perovo (apartigilo) |
| Vilaĝo en Aŭtonoma Respubliko Krimeo | ||||
| Perovo ruse Перово ukraine Перове krime-tatare Badana | ||||
| ||||
| Apartenas al: | Simferopola distrikto, Perova komunumo | |||
| Koordinatoj: | 44° 56′ N, 34° 4′ O (mapo)44.92638888888934.058888888889Koordinatoj: 44° 56′ N, 34° 4′ O (mapo) | |||
| Averaĝa alto super la marnivelo: | ~280 m | |||
| Areo: | 0,54 km² | |||
| Loĝantaro: | 3880 (laŭ 2001) | |||
| Poŝtkodoj: | 97560 | |||
| Telefonkodo: | +380-652 | |||
| Hor-zono: | UTC+3 | |||
| Antaŭa nomo: | Bodani (ĝis 1948) | |||
|
Oficiala paĝaro nekonata | ||||
| ||||
| ||||
Perovo (ruse Перово, ukraine Перове, krime-tatare Badana) estas vilaĝo en la Simferopola distrikto de Aŭtonoma Respubliko Krimeo (Ukrainio), administra centro de la Perova komunumo. Laŭ la censo de la jaro 2001 en la vilaĝo loĝis 3880 homoj[1].
Geografio
[redakti | redakti fonton]La vilaĝo situas tuj ĉe la sud-okcidenta administra limo de Simferopolo kaj estas fakte ties antaŭurbo. Krom Simferopolo la plej proksimaj loĝlokoj al Perovo estas la vilaĝoj Moloĉno (situanta duonkilometron sud-okcidente) kaj Dubko (situanta ĉ. kilometron nord-okcidente).
Historio
[redakti | redakti fonton]La teritorio de la nuna vilaĝo estis loĝata delongege; ĉi tie estis trovitaj restaĵoj de kelkaj setlejoj, apartenantaj al paleolitiko[2].
La unuaj fidindaj historiaj informoj pri Perovo aperis en la jaro 1784 (sub la nomo Bodan). Laŭ la statistikaj informoj de la jaro 1805 la vilaĝo konsistis el 18 kortoj kaj estis loĝata de 99 homoj (ĉiuj el ili estis krime-tataroj). Meze de la 19a jarcento la vilaĝo plene senhomiĝis pro amasa elmigro de krime-tataroj en Turkion kaj fine de la jarcento troviĝis en ruinoj. Komence de la 20a jarcento sur la teritorio de la nuna vilaĝo troviĝis malgranda privata agrikultura entrepreno.
La renaskiĝo de la vilaĝo komenciĝis nur fine de la 1920-aj jaroj, kiam oni ekkonstruis ĉi tie grandan birdobredan fabrikon. La laborista setlejo ricevis la statuson de vilaĝo (nomitan laŭ la historia nomo Bodani) en 1932[3]. La birdobreda fabriko rapide iĝis granda kaj ekonomie grava entrepreno (en la jaro 1953 ĝi estis dekorita per Lenin-ordeno[2]).
En la jaro 1948 per la ukazo de la Prezidio de la supera konsilio de RSFSR la nomo de la vilaĝo estis ŝanĝita al Perovo[4] omaĝe al rusa submarŝipisto, Heroo de Sovetunio, Ivan Perov (vivojaroj 1910-1989).
Dinamiko de la loĝantaro
[redakti | redakti fonton]- 1805 — 99 homoj
- 1864 — 5 homoj
- 1939 — 319 homoj
- 1989 — 3485 homoj
- 2001 — 3880 homoj
Nuntempo
[redakti | redakti fonton]Laŭ la rezultoj de la tutukrainia censo de la jaro 2001 en la vilaĝo loĝis 3880 homoj[1] (la pli ĝisdataj pritaksoj de la jaro 2009 mencias 3754 loĝantojn[2]). La areo de la vilaĝo estas 53,7 hektaroj, la kvanto de kortoj estas 1397[2].
La ĉefaj ekonomiaj branĉoj de la vilaĝo estas agrokulturo, besto- kaj birdobredado. Interalie, ĉi tie troviĝas kelkaj birdobredaj entreprenoj, aperintaj surbaze de la birdfabriko «Juĵnaja», kiu dum la sovetiaj tempoj estis tre granda. La vilaĝo estas ligita per la busa transporto al la aliaj vilaĝoj de la Perova komunumo; al Simferopolo ĝi estas ligita per kutima enurba transporto.
Referencoj
[redakti | redakti fonton]- ↑ 1,0 1,1 Oficialaj informoj pri Perovo en la paĝaro de la ukrainia parlamento (ukraine). Alirita 2013-12-08.
- ↑ 2,0 2,1 2,2 2,3 Urboj kaj vilaĝoj de Ukrainio — Krimeo — Perova komunumo (2009) (ruse). who-is-who.ua. Alirita 2013-12-08.[rompita ligilo]
- ↑ Jelena Andrjuŝĉenko (2011-02-20). Historio de la vilaĝaj nomoj: Perovo (ruse). gvardeyskoe.org. Arkivita el la originalo je 2013-12-14. Alirita 2013-12-08.
- ↑ La teksto de la ukazo de la supera konsilio de RSFSR (ruse). sevdig.sevastopol.ws. Alirita 2013-12-08.
Ligiloj
[redakti | redakti fonton]- Oficialaj informoj pri Perovo en la paĝaro de la ukrainia parlamento (ukraine). Alirita 2013-12-08.
- Urboj kaj vilaĝoj de Ukrainio — Krimeo — Perova komunumo (2009) (ruse). who-is-who.ua. Alirita 2013-12-08.[rompita ligilo]
|
La loĝlokoj de la Simferopola distrikto | |||
|---|---|---|---|
| Urbotipaj loĝlokoj | |||
| Vilaĝoj: |
Akropolo • Aleksandrovka • Anajurto • Andrusovo • Arkadjevka • Beloglinka • Ĉajkino • Ĉajkovsko • Ĉistenko • Demjanovka • Denisovko • Divnoje • Dmitrovo • Dobro • Donskoje • Druĵno • Dubko • Fersmanovo • Fontano • Gruŝevo • Ĥaritonovka • Ivanovko • Ĵivopisnoje • Ĵuravljovka • Kamiŝinko • Kaŝtanovo • Kizilovo • Kljonovka • Klinovko • Kluĉevoje • Kluĉo • Kolĉugino • Kolodeznoje • Konstantinovko • Krasnaja Zorjka • Krasnoje • Krasnoleso • Krasnovko • Kubanskoje • Kuprino • Kurgannoje • Lazarevko • Lekarstvennoje • Lesnoselo • Levadko • Lozovo • Mazanko • Malenkoje • Meĵgornoje • Mirnoje • Moloĉno • Mramorno • Niĵnekurgannoje • Novij Mir • Novij Sad • Novoandrejevka • Novonikolajevko • Novosjolovka • Novozburjevko • Obrivo • Opuŝko • Partizansko • Peredovoje • Perevalno • Perovo • Pervomajskoje • Petropavlovko • Petrovka • Pionersko • Poĵarskoje • Privolno • Proljotnoje • Prudovoje • Ravnopolje • Radzolje • Rodnikovoje • Skvorcovo • Sofijevka • Solneĉnoje • Solovjovko • Sovĥoznoje • Spokojnoje • Storoĵevoje • Strogonovko • Suĥoreĉje • Sumskoje • Ŝafrannoje • Ŝirokoje • Teplo • Teplovka • Topolno • Triprudno • Trudolubovo • Trudovo • Ukrainko • Ukromnoje • Uroĵajnoje • Verĥnekurgannoje • Veselo • Vinnickoje • Vodnoje • Zaleso • Zareĉno | ||
| Loĝloketoj |
Ajkavano • Davidovo • Ŝkolnoje | ||