Roy A. Tucker

El Vikipedio, la libera enciklopedio
Jump to navigation Jump to search

Roy A. TUCKER (naskiĝis en 1951 en Jackson, Misisipio), estas usona astronomo

Li grandiĝis en Memphis (Tenesio), en 1966 li fariĝis ano de la Memphis Astronomical Society kaj ricevis magistra grado en Scienca Instrumentado de la Universitato de Kalifornio ĉe Sankta-Barbaro. Li laboris kiel altranga inĝeniero en la "Imaging Technology Laboratory" de la Universitato de Arizono.

Laŭ Minor Planet Center li malkovris aŭ kunmalkovris 661 asteroidojn[1] inter 1996 kaj 2010. Notinda kunmalkovro estas la terrenkonta asteroido 99942 Apophis kun David J. Tholen kaj Fabrizio Bernardi.

En 2002 li estis unu el la 5 scienculoj rekompensita de la "Gene Shoemaker Near Earth Object Grant" de la Planetary Society[2] Tiu premio helpis lin mastrumi kaj provizi sian privatan Observatorion Goodricke-Pigott[3] en Tucson (Arizono).

La asteroido 10914 Tucker[4] estis nomita en lia honoro .

Notoj kaj referencoj[redakti | redakti fonton]

  1. MPC listo de asteroidaj malkovrintoj(angle)
  2. La rekompensitaj de 2002 Gene Shoemaker NEO Grant Recipients, el la paĝaro de The Planetary Society (angle)
  3. Goodricke-Pigott Observatory (angle)
  4. JPL Small-Body Database Browser 10914 Tucker (1997 YQ14) (angle)