25-a de aŭgusto

aŭgusto 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

La 25-a de aŭgusto estas la 237-a tago de la jaro (la 238-a en superjaroj) laŭ la Gregoria kalendaro. 128 tagoj restas.

Je la 25-a de aŭgusto okazis, interalie:

Eventoj[redakti | redakti fonton]

-521: En Babilono eksplodis ribelo kontraŭ reĝo de Persio Dario la 1-a. Araka proklamis sin reĝo kiel Nebukadnecaro la 4-a
325: Unua koncilio de Niceo establis kalkulon de la dato de Pasko por kristanoj
383: Favoranta kristanismon imperiestro de Romio Graciano estis murdita en Lugdunum de ribelinta taĉmento de legio
458: En Barato oni anoncis traktaĵon Lokavibhaaga, en kiu aperis nuntempa simbolo de la nombro 0
608: Bonifaco la 4-a iĝis papo
1248: Nederlando: Ommen iĝis urbo
1270: Filipo la 3-a iĝis reĝo de Francio
1466: Duko de Burgundio Karlo la Brava, post konkero de Dinant, venĝe pro insultado de lia patrino, ordonis mortigi ĉiujn loĝantojn
1599: En Krakovo oni presis Biblion en la pola lingvo, tradukitan de Jakub Wujek
1604: Falsa Demetrio la 1-a kun pola-ukraina armeo ekmilitiris al Moskvo
1609: Galilejo montris al senato de Venecia respubliko sian unuan teleskopon
1620: Transilvania princo Gábor Bethlen iĝis reĝo de Hungario, elektita de sociaj tavoloj - kronado tamen ne okazis
Sveda diluvo:
- 1656: Nordia Milito: pola divizio de Stefan Czarniecki frakasis 1500-personan svedan taĉmenton en la batalo de Łowicz (saviĝis nur 30 pistolrajdistoj)
- 1657: Pola-germana armeo liberigis sieĝatan Krakovon
1699: Frederiko la 4-a iĝis reĝo de Danio-Norvegio
1704: Reĝlando Anglio eksieĝis Ĝibraltaron
1718: Nordameriko: francoj fondis Nov-Orleanon
1768: James Cook komencis sian unuan esplorvojaĝon - entute navigis 11 jarojn
1793: Franca revolucio de 1789: revoluciaj francaj trupoj konkeris Marsejlon
1819: La floso de la Meduzo de Théodore Géricault kaŭzis skandalon dum sia prezento en la Pentrosalono de Parizo
1825: Urugvajo proklamis sendependecon (de Brazilo)
1830: Reĝlando de la Unuiĝintaj Nederlandoj: Belga Revolucio komenciĝis
1859: Kaŭkazio: gvidanto de la rezistado al la rusia armeo dum la Kaŭkazia milito Imamo Ŝamil estis kaptita de rusa armeo
1863: Rezulte de malvenka por rusoj batalo de Żyrzyn dum la Januara ribelo kontraŭ la Rusia Imperio cara reganto de Kongresa Pollando, grandduko Konstantin Nikolajeviĉ Romanov estis revenigita al Sankt-Peterburgo
1875: Matthew Webb fariĝis unua homo, kiu transnaĝis la Manikan Markolon dum ĉ. 21 horoj kaj 40 minutoj
1887: Estinta pentristo kaj ribelinto Adam Chmielowski iĝas monaĥo laŭ regulo de Sankta Francisko el Asizo kaj de tiu tempo kiel Alberto dediĉas sin al senhejmuloj - sanktuligita en 1989
1888: En Krakovo pola monaĥo kaj artisto Adam Chmielowski fondis la ordenon de Fratoj Albertanoj
1894: Malkovro de bakterio kaŭzanta peston
1912: En Ĉinio fondiĝis nacia partio Kuomintango, formale estrata de Sun Jatsen
Unua Mondmilito
- 1914: Japana Imperio deklaris militon al Aŭstrio-Hungario; biblioteko de Katolika Universitato de Loveno estis intence detruita fare de germana armeo - centoj da miloj da neanstataŭeblaj volumoj, gotikaj kaj renesancaj manuskriptoj perdiĝis; komenco de la batalo de Komarów (distrikto Zamojski) - la 4-a Armeo de Aŭstrio-Hungario venkis la 5-an Rusan Armeon
- 1915: Germana armeo konkeris Brest-Litovsk
1916: Usono: Nacia Parka Agentejo kreita ene de Usona Departmento de la Internaĵo
1919: Litova Armeo finfine forpelis la Ruĝan Armeon el Litovio liberigante la lastan rezistejon de bolŝevikoj - Zarasai
Soveta-Pola Milito
- 1920: Trupoj de Józef Piłsudski devigis la Ruĝan Armeon retiriĝi el la Batalo pri Varsovio, bolŝevika kavaleria korpuso de Gaj Bĵiŝkin, minacita de frakaso, transiras germanan landlimon en Orienta Prusio, kie ĝi estis internigita
1920: Litova armeo okupis Vilnon post retiriĝo de la Ruĝa Armeo
1920: Laŭ ordono de pola komandejo oni finis la Duan Silezian Ribelon - tagon pli frue fondiĝis miksa pola-germana Plebiscita Polico kaj malfondiĝis germana Sicherheitspolizei. Oni realigis postulojn de la ribelantoj, la insurekcio sukcesis
1925: Memel-regiono: Konvencio de Klaipeda ekvalidis
1930: Dua Pola Respubliko: marŝalo Józef Piłsudski la duan fojon iĝis ĉefministro
1933: Siĉŭano: tertremo mortigis 9 000 personojn
1933: Reprezentantoj de Juda Agentejo por Israelo kaj Germana Cionisma Federacio interkonsentis kun germana financministro la elmigradon el la Tria Regno (en la jaroj 1933-39 kontraŭ 40 419 000 dolaroj 60 mil germanaj judoj fuĝis)
1936: Granda teroro: gvidantoj de la Komunista Partio de Sovetunio Lev Kamenev kaj Grigorij Zinovjev, nuptinta fratinon de Lev Trockij, ekzekutitaj kun la familio en falsita proceso komencinta la grandan teroron
1939: Premiero de la fantasta muzikala filmo La Sorĉisto de Oz
1939: En Londono Pollando kaj Britio subskribis pakton pri reciproka senprokrasta helpo kaze de milito — pro tio Hitler rezignis pli fruan fulmomiliton kontraŭ Pollando, planatan la 26-an de aŭgusto (sekvatage), sed britoj eĉ ne provis helpi, kion komentis marŝalo de Francio Alphonse Juin: Tio estis perfido de la fidela amiko!
1939: Al Gdańsk, pretekste de ĝentileca vizito, alvenis germana batalŝipo SMS Schleswig-Holstein, kun sekreta plano pripafi polan defendejon kaj poste batali kontraŭ polaj militŝipoj — sub ĝia ferdeko estis kaŝita sturma kompanio de germana mararmeo Kriegsmarine
Dua Mondmilito
- 1940: Germana okupado de Pollando: germanoj pafmortigis 500 judajn familiojn de Tykocin en apuda vilaĝo Łopuchowo; en Londono aperis revuo de polaj socialistoj "Robotnik Polski w Wielkiej Brytanii" (Pola laboristo en Britio) kun interalie kritika recenzo de malutila anglalingva libro pri Pollando; en Latrun (Palestino) aperis revuo de polaj soldatoj "Ku Wolnej Polsce" (Al Libera Pollando); Batalo de Anglio: unua venĝa nokta atako de la Bomba Korpuso de Reĝa aerarmeo al Berlino — el 81 aviadiloj nur kelkaj ĵetis bombojn al elektitaj celoj (post unua germana aviada atako al centro de Londono de la 24-a/25-a de aŭgusto)
- 1941: Holokaŭsto: germanoj pafekzekutis en arbaro apud Łopuchowo ĉirkaŭ 2 mil judojn de Tykocin, kaj konfiskis ĝis tiu ĉi tago 314 grandajn polajn entreprenojn; germana armeo konkeris Dnipropetrovskon; brita-soveta dumonata invado komenciĝis en Irano por sekurigi nafto-kampojn kaj certigi proviz-liniojn por Sovetunio
- 1942: Operaco Reinhardt: dum likvido de geto en Bereźne (nun en Rivna provinco) fare de germanaj kaj ukrainaj taĉmentoj oni pafmortigis 3680 judojn; germanoj forveturigis el geto de Bochnia al Ekstermejo Bełżec pli ol 2 mil judojn, kaj ĉirkaŭ 500 judojn, malsanajn kaj mallertajn, pafmortigis en apuda vilaĝo Proszówki; Aranĝo T4: germana polico pafmortigis en Raczków (apud Warta) ne malpli ol 300 malsanajn kaj kriplajn judojn; en Maków Podhalański germanoj pafmortigis 72 personojn; de varsovia malliberejo Pawiak foriris transporto de 50 virinoj al koncentrejo Aŭŝvico; membroj de la rezistomovado likvidis en Varsovia geto komandanton de Juda Ordiga Servo; evakuo de la Pola Armeo en Sovetunio al Irano finiĝis — kadre de ĝi Sovetunion forlasis ĉirkaŭ 115 mil personoj
- 1943: Operaco Reinhardt: al koncentrejo Neuengamme (nun kvartalo de Hamburgo) alvenis 500 viroj al Aŭŝvico; germana polico alveturigis al Aŭŝvico ĉirkaŭ 2 mil judojn de Koło; en Teherano oni solene konsekris antaŭlernejon por polaj infanoj — rifuĝintaj el Sovetunio helpe de Armeo de Władysław Anders
- 1944: Ribelo de Varsovio (pli da eventoj): de "Café Club" la ribelantoj liberigis 12 ostaĝojn akirante pafarmilojn kaj municion — sen propraj perdoj kaj postlasante 18 mortigitajn germanojn kaj prenante 14 (aŭ 30) ostaĝojn; translokigo de Radiostacio "Fulmo" de str. Jasna al str. Moniuszki finiĝis; Malnovan Urbon per kanaloj komencis forlasi civiluloj kaj vunditaj ribelantoj - al Mezurbo nokte de la 25-a/26-a de aŭgusto evakuiĝis Ĉefa Komandejo de Pola Enlanda Armeo kun generalo Tadeusz Komorowski kaj civila gvidantaro kun Jan Stanisław Jankowski; komandanto de Grupiĝo "Radosław" raportis pri stato de 5 elitaj batalionoj - "Zośka", "Parasol", "Czata", "Miotła" kaj "Pięść": 353 soldatoj, kaj 94 mortigitoj, 62 pereintoj, kaj 318 vunditoj, kaj Landa Armeo pri ĝisnunaj germanaj perdoj: 115 tankoj kaj kirasitaj aŭtomobiloj kun pli ol 2 mil ostaĝoj - kion ripetis la gazetaro; Rumanio deklaris militon kontraŭ Tria Regno; liberigo de Parizo fare de usonaj-francaj divizioj; ĉirkaŭ 200 homoj mortis dum la usona aeratako kontraŭ Brno
- 1945: Ĉina Fronto: trupoj de Kuomintango eniris al Nankino; Post aŭgusta puĉo lasta imperiestro de la Imperio de Vjetnamio Bảo Đại solene abdikis - poste iĝis konsilisto de Ho Chi Minh; sur Saĥaleno ĉe la For-Orienta Fronto la soveta 16-a Armeo okupis interalie Toyohara; Jugoslavio: leĝo pri puno de krimuloj kontraŭ la nacio kaj la ŝtato, konfisko de propraĵoj de militkrimuloj kaj kunlaboristoj
1948: En Vroclavo komenciĝis Monda Kongreso de Intelektuloj por Pac-Defendo, kiun partoprenis 400 ĉefe maldekstraj reprezentantoj de arto kaj kulturo el 46 landoj (letero de Albert Einstein estis cenzurita antaŭ legado, Aleksandr Fadejev igis skandalon, Julian Sorell Huxley kun aliaj forlasis la kongreson)
1946: Pola Asocio de Surdmutuloj fondiĝis
1951: Pollando: mara lumturo ekfunkciis en Krynica Morska
1960: La 17-a Somera Olimpiko komenciĝis en Romo, inaŭgurita de la prezidanto de Italio Giovanni Gronchi
1967: En Sumio ekveturis unuaj trolebusoj
1968: Sur Ruĝa Placo en Moskvo okazis 7-persona simbola manifestacio de sovetaj disidentoj kontraŭ la invado en Ĉeĥoslovakion flanke de ŝtatoj de la Varsovia Traktato; ĉiuj partoprenintoj estis post kelkaj minutoj arestitaj
1971: Sovetuniaj regopovoj decidis likvidi polan Tombejon de la Defendintoj de Lvovo — ekde la soveta anekso de Lvovo en 1945 rabata kaj poste detruata de tankoj
1980: Zimbabvo aniĝis al Unuiĝintaj Nacioj
1987: Dekreto de la Prezidiumo de la Supera Soveto de Sovetunio "Pri rimedoj por preventi infekton kun la aidosa viruso"
1989: La plej granda alproksimiĝo inter la kosmosondilo Voyager 2 kaj Neptuno, kiu finfine pruvis la ekziston de planedaj ringoj
1991: En Rusia Soveta Federacia Socialisma Respubliko posedaĵoj de la Komunista Partio de Sovetunio estis deklaritaj ŝtata posedaĵo
1991: Belorusio proklamis sendependecon (de Sovetunio)
1991: Milito en Kroatio: batalo de Vukovar komenciĝis - 87-taga sieĝo de Jugoslava Popola Armeo
1991: Michael Schumacher debutis en Formulo 1 en la kurejo Cirkvito de Spa-Francorchamps
1997: NASA lanĉis kosmosondilon por esplori sunan venton
1997: Tribunalo en Berlino verdiktis kondamne i.a. kontraŭ Günter Schabowski kaj Egon Krenz, estintaj membroj de Politika Buroo de la reganta partio en Germana Demokratia Respubliko
2003: Barato: atako de teroristoj kun almenaŭ du bomboj en la financan distrikton de Mumbai (Bombay) - 50 personoj mortis
2003: Kosma observatorio: lanĉo de Kosmoteleskopo Spitzer de Cape Canaveral
2006: Rezulte de incendio kolapsis la ĉefa kupolo de Triunua Katedralo en Sankt-Peterburgo
2007: Budapeŝto: membroj de la ĵus formita Hungara Gvardio ĵuris en la Reĝa Palaco
2007: Terorismo: en Hajderabado, la ĉefurbo de Andra-Pradeŝo, pro bombatenco mortis 43 personoj kaj pli ol 80 vundiĝis
2012: Kosmoesploro: Voyager 1 transiris heliosferon kaj eniris eksterteron kiel unua kosmoŝipo
2014: Prezidento de Ukrainio Petro Poroŝenko malfondis Verĥovna Rada ordigante antaŭtempan baloton la 26-an de oktobro
2014: Vatikano: Kongregacio por la dia kulto kaj disciplino de la sakramentoj dekretis pri agnosko de beatigita pastro Jerzy Popiełuszko patrono de la membroj de Sendependa Aŭtonomeca Sindikato "Solidareco"
2020: En Moskvo oni likvidis trolebusan trafikon
2022: Belorusio: laŭvica Pola Milita Tombejo en Grodna regiono (Surkonty) estis niveligita kun la tero — reĝimo de Aljaksandar Lukaŝenka detruis tombojn de la veteranoj de Januara ribelo kaj soldatojn de Pola Enlanda Armeo
Invado de Rusio en Ukrainion
- 2022: 183-a tago de rusa agreso: Pasinttage, dum festado de la Sendependeco de Ukrainio, pro amasa raketa pripafado estis 189 alarmoj, daŭrantaj en diversaj regionoj de 3 ĝis 14 horoj, po 12 en Poltava provinco kaj Kirovograda provinco; ukraina Ministerio de Internaj Aferoj: al Siversk ĉiutage falas pli ol 200 pafaĵoj — laste evakua veturilo estis pripafita; guberniestro de Luganska provinco informis, ke la tuta rikolto de greno, 200 mil da tunoj, estis forveturigita al Rusio; lastaj nukleaj reakciujoj en Enerhodar estis apartigtaj pro incendioj en ĉirkaŭaĵo, la urbo restas sen kurento kaj akvo; Ukrainio regajnis 53 infanojn, eksterleĝe deportitajn de rusoj; apostola nuncio en Ukrainio estis vokita al Ministerio pri Eksteraj Aferoj post vortoj de papo Francisko, kiu maljuste egaligis agresanton kun la viktimo
- Mondreago: Usona Instituto pri Milit-Sudoj: de la 21-a de marto (momento, en kiu kontrolata de Rusia Armeo la areo de Ukrainio estis la plej granda) ĝis nun rusoj perdis teritorion pli grandan ol la surfaco de Danio; Josep Borrell deklaris, ke Eŭropa Unio "decide kondamnas laŭvican fian atakon de Rusio kontraŭ la civila loĝantaro" en Ĉapline (la bilanco de mortoj en stacidomo kreskis ĝis 25 personoj, 31 estis vunditaj), la ĉefo de unia diplomatio aldonis, ke respondeculoj pri la rusa raketa teroro estos juĝitaj; estinta ĉefo de rusia Komitato kontraŭ torturoj Igor Kalapin estis atakita en sia propra domo — nun troviĝas en malsanulejo; UN postulas de Rusio tujan retirigon de trupoj kaj armiloj el Zaporiĵa Nuklea centralo