Záhony
| Záhony | |||
|
|||
| Poŝtkodo | 4625 | ||
|---|---|---|---|
 Vikimedia Komunejo: Záhony
| |||
| Retpaĝo: www | |||
Záhony (zAhonj) estas urbo en Hungario en regiono Norda Ebenaĵo, en departemento Szabolcs-Szatmár-Bereg, en subregiono Kisvárda. La nomo estas slavdevena, simile al Zágon.
Bazaj informoj
- Areo: 7 km²
- Loĝantaro: 4670
- Poŝtkodo: 4625
- Telefonprefikso: 45
Situo
Záhony situas sur ebenaĵo, laŭ ĉefvojo kaj fervojo Nyíregyháza-Ungvár, sur maldekstra bordo de Tiso, pli precize en kubuto de Tiso. Kontraŭe estas Veľké Trakany, Malé Trakany, Ĉop kaj Solomonovo.
La urbo estas grava fervoja kaj aŭtovoja krucpunkto al pli frua Sovetunio, nun al Ukrainio. La rapidtrajno de Budapeŝto al Moskvo tie trapasas la limon. Ĉar la rusa fervojo havas pli larĝan relspuron, tial funkcias ranĝostacio en la urbo kaj la ĉirkaŭaĵo (Fényeslitke, Komoró, Tuzsér, Eperjeske).
Historio
La unua mencio de la loko estas el la 14-a jarcento. La komunumo servis kiel juĝejo dum jarcentoj. En la 19-a jarcento laboris tie ĉi sega kaj sukera uzino, sed la grava evoluo okazis post malfermo de la fervojlinio kune kun ponto en 1873. Tiu ponto estis detruita dum la dua mondmilito, sed poste rapide rekonstruita.
.jpg)
La urbo originale apartenis al Ung, sed en 1922 ĝi estis aligita al departemento Szabolcs. Záhony urbas ekde 1989. Najbaraj vilaĝoj estas Győröcske, Tiszabezdéd, Zsurk.
Vidindaĵoj
- preĝejo naskiĝo de Johano Baptisto
- preĝejo Elizabeto de Hungario
Trilanda punkto Záhony-Malé Trakany-Solomonovo
Nova landlimo naskiĝis post 1920 inter la komunumoj Záhony, Malé Trakany kaj Solomonovo. Post la 2-a mondmilito naskiĝis la trilanda punkto. Precipe dum la socialismo la triopo prosperis pro la limpasejoj. Ekde 2008 Hungario kaj Slovakio apartenas al interna zono de Schengen, sekve la limo estas senĝene trapasebla. Al Hungario estas vojo tra Veľké Trakany, aŭ boate tra Tiso.