Ĉernomorsko
| Urbotipa loĝloko de Krimeo | ||||
| Ĉernomorsko rus. Черноморское ukr. Чорноморське krim. Aqmeçit |
||||
 |
||||
| Apartenas al: | Ĉernomorska distrikto, Ĉernomorska komunumo | |||
| Koordinatoj: | 45°30′11″N 32°42′18″O / 45.50306°N, 32.705°OKoordinatoj: 45°30′11″N 32°42′18″O / 45.50306°N, 32.705°O | |||
| Averaĝa alto super la marnivelo: | ~10 m | |||
| Loĝantaro: | 11 000 (laŭ 2006) | |||
| Poŝtkodoj: | 96400 — 96405 | |||
| Telefonkodo: | +380-6558 | |||
| Hor-zono: | UTC+2 | |||
| Antaŭa nomo: | Ak-Meĉet (antaŭ 1944) | |||
|
||||
Ĉernomorsko (ukr. Чорноморське, rus. Черноморское, krim. Aqmeçit; antaŭ la jaro 1944 la loĝloko nomiĝis Ak-Meĉet) estas ĉemara urbotipa loĝloko en la okcidenta parto de la Krimea duoninsulo, administra centro de la Ĉernomorska distrikto de Aŭtonoma Respubliko Krimeo. La loĝloko situas ĉ. 140 kilometrojn for de Simferopolo. La historia krime-tatara nomo signifas laŭvorte "blanka moskeo".
Historio[redakti]
Jam en la 4-a jarcento antaŭ Kristo tie ekzistis helena loĝloko Kalos-Limen (nun ĝiaj ruinoj troviĝas ĉe la nord-orienta rando de Ĉernomorsko).
En la tempoj de la Krimea Ĥanlando tie ekzistis la loĝloko Akmesĝit Liman (Ak-Meĉet).
En la 20-a jarcento la loĝloko malrapide kreskis kaj evoluis kiel agrikultura centro. En la jaro 1944 ĝi estas alinomita Ĉernomorsko. Ekde la jaro 1957 ĝi havas la statuson de urbotipa loĝloko.
Ekonomio[redakti]
La loĝloko estas ĉefe agrikultura centro, ekzistas ankaŭ kelkaj negrandaj nutro-uzinoj.
Iom post iom la loĝloko transformiĝas en popularan kaj malmultekostan ripoz-lokon. En Ĉernomorsko estas 9 pensionoj-ripozejoj.
Transporte la loĝloko estas ligita al aliaj loĝlokoj de Krimeo per busa trafiko. La plej proksima fervoja stacio troviĝas en Eŭpatorio.
Socia sfero[redakti]
En la loĝloko estas 3 mezlernejoj, muziklernejo, sporta lernejo, regiona hispitalo, kulturdomo, biblioteko, regionstuda muzeo, kinejo.
|
La loĝlokoj de la Ĉernomorska distrikto |
|||
|---|---|---|---|
| Urbotipaj loĝlokoj | Ĉernomorsko | ||
| Vilaĝoj | Artjomovka • Gromovo • Daljokoje • Dozornoje • Ĥmelevo • Ĵuravljovka • Kalinovka • Kirovskoje • Krasnaja Poljana • Krasnojarskoje • Krasnoselskoje • Kuzneckoje • Lenskoje • Majak • Marjino • Medvedevo • Meĵvodnoje • Novoivanovka • Novoselskoje • Novouljanovka • Okunevka • Olenevka • Severnoje • Sneĵnoje • Vladimirovka • Vnukovo • Vodopojnoje • Zadornoje • Zajcevo • Znamenskoje • Zorjanoje | ||
| Loĝloketoj | Nizovka • Ozjorovka | ||
